ପାଣି ଟୋପାଏ ପାଇଁ ଡହଳ ବିକଳ ଚକ୍ରଧରପୁର ବାସୀ

ପାଣି କାହାର ବା ଆବଶ୍ୟକ ନଥାଏ ପାନୀୟ ଜଳ ପ୍ରକଳ୍ପ ନିମନ୍ତେ ସରକାର କୋଟି କୋଟି ଟଙ୍କାର ପ୍ରକଳ୍ପ ନିର୍ମାଣ କରୁଥିବା ବେଳେ ପରଜଙ୍ଗ ବ୍ଲକ ଅନ୍ତର୍ଗତ ବାରିହାପୁର ଗ୍ରାମର ଚକ୍ରଧରପୁର ଠାରେ ଚିତ୍ର ସମ୍ପୂର୍ଣ୍ଣ ଅଲଗା ।

ଢେଙ୍କାନାଳ ଜିଲ୍ଲା ପରଜଙ୍ଗ ବ୍ଲକ ଅନ୍ତର୍ଗତ ବାରିହାପୁର ଗ୍ରାମର ଚକ୍ରଧରପୁର ଠାରେ ଆଜକୁ ଏକ ମାସ ହେବ ନଳକୂପ ଖରାପ ହୋଇ ପଡ଼ିଛି ଯାହା ଫଳରେ ଗ୍ରାମବାସୀ ପାଣି ଟୋପାଏ ପାଇଁ ଡ଼ହକ ବିକଳ ହେଉଛନ୍ତି ।

ଗ୍ରାମବାସୀ ଙ୍କ ଅଭିଯୋଗ ଅନୁଯାୟୀ ଦୀର୍ଘ ଏକ ମାସ ହେବ ବିଭାଗୀୟ ଅଧିକାରୀଙ୍କୁ ଏହି ବାବଦରେ ଅଭିଯୋଗ ପରେ ମଧ୍ୟ କୌଣସି ସୁଫଳ ମିଳିପାରି ନାହିଁ ।

ଏହି ନଳକୂପଟିର ତୁରନ୍ତ ମରାମତି କାର୍ଯ୍ୟ କରିବା ସହ ଲୋକମାନଙ୍କର ପାଣିର କୌଣସି ସମସ୍ୟାର ଦୂର କରିବା ପାଇଁ “ଯୁବଶକ୍ତି” ର ଅଧ୍ୟକ୍ଷ ହିମାଂଶୁ ଭୂଷଣ ବାରିକ, ଗ୍ରାମର ରସାନନ୍ଦ ମାଝୀ, ସିପୁନ ସାମଲ ସାଧୁ ମାଝୀ, ସୁମନ୍ତ ସାହୁ, ଦ୍ଵାରିକା ମାଝୀ, ଏବଂ ସମସ୍ତ ଗ୍ରାମବାସୀ ପରଜଙ୍ଗ ବ୍ଲକ ପ୍ରଶାସନ ଏବଂ ଜିଲ୍ଲା ପ୍ରଶାସନ ନିକଟରେ ନିବେଦନ କରିଛନ୍ତି ।