୪୨ ଥରରେ ମ୍ୟାଟ୍ରିକ ଏବଂ ୬୫ ରେ ଏଲଏଲବି ; ପରିଶ୍ରମର ଲଉଡି ସହ ଶିକ୍ଷାର ସେତୁ ପାରି ହୋଇଛନ୍ତି ତ୍ରିଲୋଚନ

ଶିକ୍ଷା ପାଇଁ ବୟସ ବାଧା ନୁହେଁ, ବରଂ ଆବଶ୍ୟକ ଇଚ୍ଛାଶକ୍ତି ।ଏହାର ଏକ ବଡ଼ ଉଦାହରଣ ସୃଷ୍ଟି କରିଛନ୍ତି ଢେଙ୍କାନାଳ ଜିଲ୍ଲା
ସଦର ବ୍ଳକ ସୋଗରପଶି ପଞ୍ଚାୟତ ଅନ୍ତର୍ଗତ ପାରିଖେଦା ଗ୍ରାମର ତ୍ରିଲୋଚନ ନାଏକ । ତ୍ରିଲୋଚନ ୪୨ ଥରରେ ମ୍ୟାଟ୍ରିକ ଏବଂ ୬୫ ରେ ଏଲଏଲବି ପାସ କରିଥିବା ଏହି ଘଟଣା ଏବେ ଚର୍ଚ୍ଚାର ବିଷୟ ପାଲଟିଛି । 

ସୂଚନା ଅନୁଯାୟୀ ତ୍ରିଲୋଚନ ୧୯୭୨ ମସିହାରୁ ୧୯୯୨ ପର୍ଯ୍ୟନ୍ତ ବଣସିଂ ଉଚ୍ଚବିଦ୍ୟାଳୟରେ ଦଶମ ପରିକ୍ଷା ଦେଇ ଆସୁଥିଲେ ପରେପରେ ୧୯୯୩ ରେ ୪୧ ଥରରେ ମ୍ୟାଟ୍ରିକ ପାସ କରିଥିଲେ । ଯୁକ୍ତଦୁଇ ରେ ମଧ୍ୟ ୧୦ ଥରରେ ପାସ କରିଥିବା ବେଳେ ଯୁକ୍ତତିନି ରେ ଏକକାଳୀନ ଭାବେ ଉତିନ୍ନ ହୋଇଥିଲେ ।

ତେବେ ଏହାସତ୍ତ୍ୱେ ହାର ମାନିନଥିଲେ ତ୍ରିଲୋଚନ କଟକ ସ୍ଥିତ ବିଶ୍ୱ ଗୁରୁ ମହାବିଦ୍ୟାଳୟ ରେ ବିଏଏଲଏଲବି ରେ ଆଇନ ଛାତ୍ର ଭାବେ ନାମ ଲେଖାଇ ୬୫ ବର୍ଷ ବୟସରେ ଓକିଲାତି ପାସ କରିଥିଲେ ।

ତେବେ ପାଠପଢିବା ପାଇଁ ବୟସ କୌଣସି ପ୍ରକାରର ବାଧକ ସାଜେନାହିଁ ବୋଲି କହିଛନ୍ତି ତ୍ରିଲୋଚନ । ଏପରିକି ସମସ୍ତ ବ୍ୟକ୍ତି ଅନ୍ୟୁନ୍ୟ ମ୍ୟାଟ୍ରିକ ପାସ କରିଥିବା ନିତ୍ୟାନ୍ତ ଆବଶ୍ୟକ ବୋଲି କହିଛନ୍ତି । ତେଣୁ ବୟସ କୁ ଖାତିର ନକରି ପରିଶ୍ରମ ମାପ ବାଡ଼ି ସହ ଶିକ୍ଷାର ସେତୁ ପାରି ହୋଇଛନ୍ତି ତ୍ରିଲୋଚନ ।