ଜୟ ଜୟ ହନୁମାନ ହେ, ଜୟ ବୀର ମାରୁତି
ରାମ ପଦାମ୍ବୁଜେ ସତତ, ଥାଏ ତୁମ୍ଭର ମତି ।
ସଙ୍କଟ ମୋଚନ ସଙ୍କଟ, କାଳେ ହୁଅ ପ୍ରବେଶ
ସଙ୍କଟ ହରଣ କରିଣ, ଭକ୍ତେ ଦିଅ ଆଶ୍ଵସ ।
ନାହିଁ ମୋର ଶକ୍ତି ତୁମ୍ଭଙ୍କୁ, ଦେବି କେଉଁ ଦରବ
ଯାହା ଦେଖୁଅଛି ସକଳ, ସିନା ତୁମ୍ଭ ସରବ ।
ଭକ୍ତି ଆରାଧନା ନ ଜାଣେ, ଜାଣେ ନାହିଁ ମନ୍ତର
କେଉଁ ଭାବେ ପଦ ସେବିବି, ଆହେ କପି ପ୍ରବର ।
ଗର୍ବ ଦମ୍ଭ ଅହଙ୍କାର ମୋ, ମନେ ରହିଛି ପୁରି
କାମନା ବାସନା ରହିଛି, ସଦା ହୃଦୟେ ଭରି ।
ପଚିଶ ପ୍ରକୃତି ମନକୁ, କରଇ ବିଚଳିତ
କୃପା କରି କୃପାମୟ ହେ, ସ୍ଥିର କର ମୋ ଚିତ୍ତ ।
ପ୍ରାଣ ପ୍ରୟାଣର ସମୟେ, ବାରେ ଦେବ ଦର୍ଶନ
ଜୀବ ମୋକ୍ଷ ଗତି କରିବ, ଏହା ମୋ ନିବେଦନ ।
ଭକତି କରିବି ଶକତି, ଦିଅ ହୃଦୟେ ଭରି
ତୁମ୍ଭ ନାମ ଜପି ଏ ଭବୁ, ଥରେ ହୋଇବି ପାରି ।
ମଙ୍ଗଳମୟ ହେ ମଙ୍ଗଳେ, ପୂର୍ଣ୍ଣ କର ବାସନା
ସର୍ବ ଶୁଭେ ଥାନ୍ତୁ ଏ ଦେଶବାସୀ, ଏହି କାମନା ।