ଭୁବନ ରୁ ଢେଙ୍କାନାଳ ଯାଇଥିବା ପୂର୍ତ୍ତ ବିଭାଗ ରାସ୍ତାର ଭୁବନ ରଗଡି ଛକ ନିକଟରେ ଦୁଇ ମୋଟର ସାଇକେଲ ମଧ୍ୟରେ ମୁହାଁମୁହିଁ ଦୁର୍ଘଟଣାରେ ଦୁଇ ଆରୋହି ଗୁରୁତର ହୋଇଛନ୍ତି ।
ରଗଡି ଛକ ନିକଟରେ ଭୁବନ ପୋଲିସ ପକ୍ଷରୁ ଗୁରୁବାର ସନ୍ଧ୍ୟାରେ ମାସ୍କ ଓ ହେଲମେଟ ଚେକିଂ ହେଉଥିଲା ।
ମହୁଳପାଳ ଆଡୁ ଆସୁଥିବା ନୂଆ ଟିପିଳେଇ ଗ୍ରାମର ବଳଭଦ୍ର ପଧାନ ନିଜେ ହେଲେମେଟ ଓ ମାସ୍କ ପିନ୍ଧି ନଥିବା ହେତୁ ଫାଇନ ହେବା ଭୟରେ ଦ୍ରୁତ ଗତିରେ ମଟର ସାଇକେଲ ରେ ଭୁବନ ପଟକୁ ମାଡି ଆସୁଥିବା ବେଳେ , ଭୁବନ ବଡ଼ହାଟର ମନୋଜ ସାହୁ(୨୩) ଙ୍କ ସହିତ ଧକ୍କା ହୋଇଥିଲେ ।
ମନୋଜ ଙ୍କର ବାମ ଗୋଡ ଭାଙ୍ଗିଯାଇଥିବା ବେଳେ ବଳଭଦ୍ର ଙ୍କ ମୁଣ୍ଡ ଫାଟି ଯାଇଛି । ପ୍ରାଥମିକ ଚିକିତ୍ସା ପରେ ବଳଭଦ୍ର ଘରକୁ ପଠାଇ ଦିଆଯାଇଥିବା ବେଳେ ମନୋଜ ଙ୍କୁ ଭୁବନ ଡାକ୍ତରଖାନାରୁ କଟକ ସ୍ଥାନାନ୍ତର କରାଯାଇଛି ।