ତାଜମହଲର ମାରବଲ ତୁମେ
ଉଦୟପୁରର କିଲ୍ଲା !
ଗଙ୍ଗଶିଉଳିର ଝରାଫୁଲ ତୁମେ
ସ୍ମୃତି ପୁଷ୍କରର ମେଳା !!
ଆରବ ମାଟିର ମରୁଭୂମି ତୁମେ
ବୈଶାଖୀ ଖରାର ତାତି !
ପହିଲି ଆଷାଢ଼ କଳାମେଘ ତୁମେ
ଅଦିନେ ଥରାଅ ଛାତି !!
ଧରା ଶିରାବଣ ବାରିଧାରା ତୁମେ
ଆଶାର ବୈତରଣୀ !
ବିଶ୍ୱବ୍ୟାଙ୍କର ଅଂଶୀଦାର ତୁମେ
କରିଦେଲ ଚିରଋଣୀ !!
ସମ୍ପର୍କ ର ତୁମେ ହୀରାକୁଦ ସେତୁ
ରକ୍ତିମ ଗୋଲାପ ବାସ୍ନା !
ଖଣ୍ଡଗିରିର ଶିଳାଲେଖ ତୁମେ
ଖୋଦିତ ପ୍ରସ୍ତର ଚି଼ହ୍ନ !!
କାଳାବୈଶାଖୀର ଝଡବର୍ଷା ତୁମେ
ଭିଜା ଭୋଦୁଅର ମାଟି !!
କରୋନା ରୋଗର କୋଭାକସିନ ତୁମେ
ଅକ୍ସିଜେନ ଦେଲକାଟି !!
✍️ ସୂର୍ଯ୍ୟ ନାୟକ, ନବକିଶୋର ପୁର