ବ୍ୟାଙ୍କରେ ଋଣ ପ୍ରଦାନରେ ଅନିୟମିତତା ; ଜିଲ୍ଲାପାଳଙ୍କୁ ଅଭିଯୋଗ କଲେ ଏସଏସଜି ଗୋଷ୍ଠି

ଢେଙ୍କାନାଳ ଜିଲ୍ଲା ଗଁଦିଆ ବ୍ଳକ୍ ଗୋପାଳପରୁ ଖଣ୍ଡବନ୍ଧ ପଞ୍ଚାୟତ ଗ୍ରାମର ଶକ୍ତି ମା ସନ୍ତୋଷୀ ସ୍ୱୟଂ ସହାୟକ ଗୋଷ୍ଠୀକୁ ଋଣ ପ୍ରଦନରେ ଓଡିଶା ଗ୍ରାମ୍ୟବ୍ୟାଙ୍କ ତରଫରୁ ଋଣ ପ୍ରଦାନରେ ଟାଳଟଳୁ ନିତୀ ଅବଲମ୍ବନ କରୁଥିବାରୁ ଜିଲ୍ଲାପାଳଙ୍କ ନିକଟରେ ଅଭିଯାଗ ହୋଇଛି ।

ସଦସ୍ୟ ମାନଙ୍କ ଅଭେିଯାଗ ଅନୁସାରେ ସେମାନେ ଗ୍ରାମ୍ୟ ବ୍ୟାଙ୍କରୁ ଋଣ ନେଇ ପରିଶୋଧ କରିଛନ୍ତି । ଋଣ ପରିଶୋଧ ପରେ ପୁନର୍ବାର ଋଣ ଆବେଦନ କଲେ ମଧ୍ୟ କ୍ଷଣ ପ୍ରଦାନ କରୁନାହିଁ ଫଳରେ ଖାତାକୁ ବନ୍ଦକରି ପିଙ୍ଗୁଆ ଶାଖାରୁ ଋଣ ପାଇଁ ଆବେଦନ କରିଥିଲେ କିନ୍ତୁ ସେଠାରେ ମଧ୍ୟ ନିରାଶ ହୋଇଛନ୍ତି ।

ଋଣ ଆବେଦନ କଲେ ପଞ୍ଚାୟତରେ ଥିବା ଏମବିକେ ସିଆରସିଙ୍କ ଜରିଆରେ ଆବେଦନ କଲେ ମଧ୍ୟ କୌଣସି ଫଳ ମିଳୁନାହିଁ । ଗତ ଦୁଇ ବର୍ଷ ହେବ କେତେକ ବ୍ୟକ୍ତି ବ୍ୟାଙ୍କ ଶାଖାରେ ନିଜର ଆଧିପତ୍ୟ ଜାହିର କରିବା ସହ ବିଭିନ୍ନ ସମୟରେ ଋଣ ପାଇଁ ମନୋମୁଖୀ କାର୍ଯ୍ୟ କରୁଥିବାର ଜଣା ପଡିଛି ।

ବ୍ୟାଙ୍କରେ କେତେକ ବାହାର ବ୍ୟକ୍ତି ବ୍ୟାଙ୍କ କର୍ମଚାରୀଙ୍କ ସହିତ ମିଶି ଏଭଳି ବେନିୟମ କାର୍ଯ୍ୟ କରୁଥିବାର ଅଭିଯୋଗ ହୋଇଛି। ଫଳରେ ବିଭିନ୍ନ କାର୍ଯ୍ୟ ବନ୍ଦ ହୋଇ ରହିଛି ।

ଏ ଦିଗରେ ପଦକ୍ଷେପ ନେବାକୁ ସଂଘ ଦାବୀ କରିଛି । ବେଆଇନ ଭାବରେ ଋଣ ପାଇଁ ଆଦାୟ ହଇଥିବା ଟଙ୍କାକୁ ବନ୍ଦ କରାଯିବା ସହ ପଦକ୍ଷେପ ନେବାକୁ ଜିଲ୍ଲାପାଳ ନିକଟରେ ଦାବି କରିଛନ୍ତି ।