ଏଇ ବର୍ଷାର ଆଗମନରେ
ଏକ ଅହେତୁକ ଆକର୍ଷଣ ସାଥେ
ମୂର୍ଚ୍ଛନା ହୋଇ ନାଚି ଉଠୁ
ମୋର ହୃଦୟ
ଅବସନ୍ନ ଓ କ୍ଲାନ୍ତିରେ
ଥକି ଯାଇଥିବା ର ଅଭିଯୋଗ
ଅହରହ ଖୁବ୍ କୋଳାହଳ
ସୃଷ୍ଟି କରୁଛି ଜୀବନରେ
ପତ୍ରଝଡ଼ା ଦେଇଥିବା
ଏ ଶୁଖିଲା ଗଛର ଡାଳ
ଅନେକ ଦିନରୁ ଖୋଜିବୁଲୁଚି
ବିହଙ୍ଗ ବିଚରଣ
ଏକ ନୂତନ ଅୟମାରମ୍ଭ ସାଥେ
ପ୍ଲାବିତ ହେଉ ଆଜି
ଅପରାହ୍ନରେ ସୃଷ୍ଟି ହୋଇଥିବା
ଅଭିମାନର ଚାପା ଗୁଞ୍ଜରଣ
ଆଚ୍ଛାଦିତ ହେଉ ଘନ ଘନ କଳାବାଦଲ
ଓ ଖସିଆସୁ ବିସ୍ତୀର୍ଣ୍ଣ ଆକାଶରୁ
ଟୋପା ଟୋପା ଜଳରାଶି
ଭାଙ୍ଗିବାକୁ ଏ ହୃଦୟର ରୋଷ
ଶ୍ରାବଣର ଶ୍ରାବଣୀ ହୋଇ
ଆଲୋଡିତ ହେଉ ଓ ନାଚିଉଠୁ
ମୋ ମନର ମୟୁରୀ
ମେଣ୍ଟିଯାଉ ଅନ୍ୱେଷଣର ଶୋଷ ।
✍️ ମନୀଷା ତ୍ରିପାଠୀ