ବୋରାପଦା ହତ୍ୟାକାଣ୍ଡ ଘଟଣାରେ ୨ ଗିରଫ

ବୋରାପଦା ଖମାର ଗ୍ରାମର ପୀତବାସ ଦାସଙ୍କୁ ଯୋଜନାବଦ୍ଧ ଭାବେ ହତ୍ୟା କରାଯାଇ ସ୍ଥାନୀୟ ଜଙ୍ଗଲର ଏକ ପରିତ୍ୟକ୍ତ କୂଅରେ ଫିଙ୍ଗିବା ଘଟଣାରେ ସଦର ପୋଲିସ ୨ଜଣକୁ ଗିରଫ କରିଛି ।

ନିଖୋଜ ପୀତବାସ ଙ୍କ ମୃତଦେହ ଗତ ୭ ତାରିଖରେ ସ୍ଥାନୀୟ ଜଙ୍ଗଲର ଏକ ପରିତ୍ୟକ୍ତ କୂଅରୁ ଉଦ୍ଧାର ହୋଇଥିଲା ।ପୂର୍ବ ଶତ୍ରୁତା ଏବଂ ବ୍ୟବସାୟକୁ କେନ୍ଦ୍ର କରି ତାଙ୍କୁ ଯୋଜନାବଦ୍ଧ ଭାବରେ ହତ୍ୟା କରାଯାଇଥିବା ଅଭିଯୋଗ ପରେ ,ପୋଲିସ ଏକ ମାମଲା ରୁଜୁ କରି ୨ ଜଣଙ୍କୁ ତଦନ୍ତ ପରିସରକୁ ଆଣି ପଚରାଉଚୁରା ସମୟରେ ନିଜର ସମ୍ପୃକ୍ତି ଥିବା ନେଇ ଉଭୟେ ମାନିଛନ୍ତି ଏବଂ ଅନ୍ୟ ୩ ଜଣ ମଧ୍ୟ ଘଟଣା ରେ ସଂମ୍ପୃକ୍ତ ଥିବା ଜଣାଇଛନ୍ତି । ୨ଅଭିଯୁକ୍ତ ଙ୍କ ଠାରୁ ଏକ ଲାଠି ଜବତ କରାଯାଇଥିବା ବେଳେ ଆଉ ୩ ଜଣଙ୍କୁ ପୋଲିସ ଖୋଜିବା ଆରମ୍ଭ କରିଛି। ଉକ୍ତ ୨ ଜଣଙ୍କୁ ଗିରଫ କରିବା ସହ କୋର୍ଟ ଚାଲାଣ କରାଯାଇଥିବାର ଜଣାଯାଇଛି ।