ମୁଖ୍ୟମନ୍ତ୍ରୀ ଙ୍କ ଢେଙ୍କାନାଳ ଗସ୍ତ ନିମନ୍ତେ ସ୍ୱତନ୍ତ୍ର ଟ୍ରାଫିକ ବ୍ୟବସ୍ଥା, ଯାଣନ୍ତୁ କେଉଁ ସମୟରେ କେଉଁ ରାସ୍ତା ଦେଇ କରିପାରିବେ ଚଳାଚଳ

ଆସନ୍ତାକାଲି ଢେଙ୍କାନାଳ ଆସୁଛନ୍ତି ମୁଖ୍ୟମନ୍ତ୍ରୀ । ତେବେ ଏହି କାର୍ଯ୍ୟକ୍ରମ ପାଇଁ ଢେଙ୍କାନାଳ ଜିଲ୍ଲାରେ ପୋଲିସ ପ୍ରଶାସନ ପକ୍ଷରୁ କଡା ସୁରକ୍ଷା ବଳୟ ପ୍ରସ୍ତୁତ କରାଯାଇଛି । ଏପରିକି ସଭାସ୍ଥଳରେ କେବଳ ନିର୍ଦ୍ଦିଷ୍ଟ ସ୍ମାର୍ଟ କାର୍ଡ ପାଇବାକୁ ଥିବା ହିତାଧିକାରୀ, କର୍ମୀ ଓ ସରକାରୀ ଅଧିକାରୀ ଉପସ୍ଥିତ ରହିବେ । କୋଭିଡ କଟକଣା କଡାକଡି କରାଯାଇ ସମସ୍ତଙ୍କର ଆରଟି ପିସିଆର ନେଗେଟିଭ ରିପୋର୍ଟକୁ ବାଧ୍ୟତାମୂଳକ କରାଯାଇଛି । ସେହିପରି ଜନ ଗହଳିକୁ ଦୃଷ୍ଟିରେ ରଖି ଜିଲ୍ଲା ପୋଲିସ ପକ୍ଷରୁ ଟ୍ରାଫିକ ବ୍ୟବସ୍ଥା ନେଇ ବିଜ୍ଞପ୍ତି ପ୍ରକାଶ ପାଇଛି । ମିଳିଥିବା ସୂଚନା ସୂଚନା ଅନୁଯାୟୀ ।

ସକାଳ ୮ ଟାରୁ ଅପରାହ୍ନ ୨ ଟା ପର୍ଯ୍ୟନ୍ତ ସହର ମଧ୍ୟରେ ଭାରିଜାନ ଏବଂ ଯାତ୍ରୀବାହୀ ବସ ଚଳାଚଳ ଉପରେ ରୋକ ଲଗାଯାଇଛି ।

ସହର ଭିତରକୁ ଆସୁଥିବା ବସ ଗୁଡିକ କଲେଜ ବାଇପାସ ଦେଇ ବସଷ୍ଟାଣ୍ଡ ପର୍ଯ୍ୟନ୍ତ ଆସି ପୁଣି ସେହି ରାସ୍ତା ଦେଇ ଜାତୀୟ ରାଜପଥ ଦେଇ ଯାଇ ପାରିବେ ।

ଢେଙ୍କାନାଳ ଷ୍ଟାଡିୟମ ରୁ ଗଣେଶ ବଜାର ଦେଇ ଯାଉଥିବା ଭିଆଇପି ରୋଡ଼ ରେ ଜନ ସାଧାରଣ ଙ୍କ ଗାଡି ଚଳାଚଳ କରି ପାରିବ ନାହିଁ ।

କାର୍ଯ୍ୟକ୍ରମ ରେ ଯୋଗଦେବାକୁ ଆସିଥିବା ବ୍ୟକ୍ତିଙ୍କ ପାଇଁ ମହିଷାପାଟ ସ୍ଥିତ ନୂତନ ବସଷ୍ଟାଣ୍ଡ ପଡିଆ, ବିବି ହାଇସ୍କୁଲ ଖେଳ ପଡିଆ , ଦକ୍ଷିଣ କାଳୀ ସ୍ଥିତ ସର୍କସ ପଡିଆ ,
କାଲଟାକ୍ସ ସ୍ଥିତ କାଳୀ ପଡିଆ ଏହି ୪ ଟି ସ୍ଥାନରେ ପାର୍କିଂଗ ବ୍ୟବସ୍ଥା କରାଯାଇଛି ।