୬୬ତମ ଅଷ୍ଟପ୍ରହର ନାମଯଜ୍ଞ ଉଦଯାପିତ

ଢେଙ୍କାନାଳ ଜିଲ୍ଲା କଙ୍କଡ଼ାହାଡ଼ ବ୍ଲକ କଙ୍କଡ଼ାହାଡ଼ ଗ୍ରାମରେ ୬୬ତମ ଅଷ୍ଟପ୍ରହର ନାମଯଜ୍ଞ କୋଭିଡ କଟକଣା ମଧ୍ୟରେ ଅନୁଷ୍ଠିତ ହୋଇଯାଇଛି ।

ଗ୍ରାମ୍ୟ ପରିଚାଳନା କମିଟିର ସଭାପତି ବିଷ୍ଣୁ ଚରଣ ସିଂହ ,ସମ୍ପାଦକ ଶୁଭେନ୍ଦୁ ପାଳ ,ସହ – ସମ୍ପାଦକ ତ୍ରିଲୋଚନ ପଣ୍ଡା ,ସଭ୍ୟ ଶମ୍ଭୁନାଥ ସିଂହ , ଅଶୋକ ପଣ୍ଡା ,ମୁନା ଦାସ ,ପ୍ରକାଶ ବିଶ୍ବାଳ ,ଅରବିନ୍ଦ ପାଳ ,ସର୍ବେଶ୍ଵର ବାରିକ ,ସନାତନ ପରିଡା ,ନୀଳାମ୍ବର ପରିଡ଼ା ପ୍ରମୁଖ ପରିଚାଳନାରେ ଆୟୋଜିତ କାର୍ଯ୍ୟକ୍ରମରେ ଗ୍ରାମବାସୀଙ୍କ ପକ୍ଷରୁ ଗ୍ରାମର ପୁରାତନ ସଦସ୍ୟ ପଞ୍ଚାନନ ସାହୁ ଓ ଭଗବାନ ବେହେରାଙ୍କୁ ଉପଢୌକନ ଦେଇ ସମ୍ବର୍ଦ୍ଧିତ କରିଥିଲେ ।

ଏଥିରେ ଆଖପାଖ ଗ୍ରାମ ମାନଙ୍କରୁ ୧୨ ଦଳ ନାମ ସଂକୀର୍ତ୍ତନ ମଣ୍ଡଳୀ ଯୋଗଦେଇଥିବା ବେଳେ ଉଦଯାପନୀ ଦିବସରେ ପ୍ରାତଃ ସମୟରେ ନାମ ସଂକୀର୍ତ୍ତନ ମଣ୍ଡଳୀଙ୍କ ଦ୍ଵାରା ନଗର ପରିକ୍ରମା କରାଯାଇଥିଲା ।ପରିଶେଷରେ ସମସ୍ତ ଗ୍ରାମବାସୀ ଓ ଶ୍ରଦ୍ଧାଳୁଙ୍କ ପାଇଁ ପ୍ରସାଦ ସେବନର ଆୟୋଜନ କରାଯାଇଥିଲା ।