ରାଣୀ ଲକ୍ଷ୍ମିବାଇ ଏବଂ ମହାରାଣୀ ସୁକଦେଇଙ୍କର ଜୟନ୍ତୀ ପାଳନ

ଢେଙ୍କାନାଳ ସଚେତନ ନାଗରିକ ଫୋରମ୍ ମହିଳା ଶାଖା ପକ୍ଷରୁ ମହାରାଣୀ ସୁକଦେଇ ଏବଂ ରାଣୀ ଲକ୍ଷ୍ମିବାଇଙ୍କ ଜୟନ୍ତୀ ପାଳନ ହୋଇଯାଇଛି । ସଭାପତି ପ୍ରଭାତି ମହାପାତ୍ରଙ୍କ ସଭାପତିତ୍ବରେ ହୋଇଥିବା ଏହି କାର୍ଯ୍ୟକ୍ରମରେ ପୁଷ୍ପମାଲ୍ୟ ଅର୍ପଣ କରି କହିଲେ ମହାରାଣୀ ସୁକଦେଇ ଭାରତବର୍ଷର ଏକମାତ୍ର ମହାରାଣୀ ଯିଏ କେବେବି ଯୁଦ୍ଧ ହାରିନାହାନ୍ତି ।

ସେହିପରି ମୁଖ୍ୟ ଅତିଥି ତଥା ଶିଶୁ ମନ୍ଦିର ପ୍ରଧାନ ଆଚାର୍ଯ୍ୟ ହୈମବତି ମିଶ୍ର ରାଣୀ ଲକ୍ଷ୍ମିବାଇଙ୍କ ଉପରେ ବକ୍ତବ୍ୟରେ କହିଲେ ଯେ ସାଙ୍ଗରେ ଛୋଟ ଛୁଆ ଧରି ଶତ୍ରୁ ସଙ୍ଗେ ଯୁଦ୍ଧ କରିବା ଘଟଣା ଇତିହାସରେ ବିରଳ ଅଟେ । ଶେଷରେ ମହିଳା ଶାଖାର ଉପସଭାପତି ବନଜା ମାନସିଂହ ଧନ୍ୟବାଦ୍ ଅର୍ପଣ କରିଥିଲେ । ନଗର ଶାଖାର ସମ୍ପାଦିକା ଶିଳ୍ପିଶ୍ରୀ ହରିଚନ୍ଦନ,ସବେଦା ବେଗମ୍, ସସ୍ମିତା ମହାପାତ୍ର, ଦୟାନିଧି ବେହେରା, ମନ୍ମଥ ରାଓ , ଅଶୋକ ସ୍ୱାଇଁ ,ଯୁଗଳ କିଶୋର ପ୍ରଧାନ ,ବ୍ରଜକିଶୋର ସାହୁ, ରଂଜିତ ପାଣିଗ୍ରାହୀ ,ଉଦୟନାଥ ବେହେରା, ଦଣ୍ଡପାଣି ଦାସ , ଗୋକୁଳାନନ୍ଦ ମାଝୀ ଆଦି ଉପସ୍ଥିତ ଥିଲେ ।