ଖଣ୍ଡା ଚୋଟରେ ହାତରୁ ପାପୁଲି ଅଲଗା ଘଟଣା ; ଅସ୍ତ୍ରୋପଚାର ପରେ ହାତରେ ଲାଗିଲା ପାପୁଲି

ଗଁଦିଆ ଥାନା ଅନ୍ତର୍ଗତ ମଠତେନ୍ତୁଳିଆ ଗ୍ରାପ ର ସୁରପ୍ରତାପ ରାଜକିଶୋରପୁର ଗ୍ରାମରେ ଗତକାଲି ଗ୍ରାମର ରାମ କୃଷ୍ଣ ପଣ୍ଡା ଙ୍କର ପୁଅ ଗଣେଶ୍ୱର ପଣ୍ଡା (୩୫)ନିଜ ଘରେ ବସିଥିବା ବେଳେ,ସେହି ଗ୍ରାମର ନୀଳମଣି ବେହେରା (କାଳିଆ ) ଏକ ଧାରୁଆ ଖଣ୍ଡା ଧରି ଗଣେଶ୍ୱର ର ଘରେ ପଶି ଡାହାଣ ହାତକୁ ହାଣି ଦେବାରୁ ତାଙ୍କ ପାପୁଲି ଅଲଗା ହୋଇଯାଇଥିଲା ।

ତାଙ୍କୁ ପ୍ରଥମେ ଶ୍ରୀରାମଚନ୍ଦ୍ରପୁର ଗୋଷ୍ଟି ସ୍ୱାସ୍ଥ୍ୟ କେନ୍ଦ୍ର ରେ ପ୍ରାଥମିକ ଚିକିତ୍ସା ପରେ କଟକ ବଡ଼ ମେଡିକାଲ କୁ ଚିକିତ୍ସା ନିମନ୍ତେ ପଠାଯାଇଥିଲା । ସେଠାରେ ସଫଳ ଅସ୍ତ୍ରୋପଚାର ପରେ ତାଙ୍କ ପାପୁଲିଟି ପୁନର୍ବାର ଲଗାଯାଇଛି । ପୂର୍ବ ଶତ୍ରୁତାକୁ ନେଇ ଏହି ଘଟଣା ଘଟିଥିବା ବେଳେ ଆଜି ଗଣେଶ୍ୱର ଙ୍କ ଭଉଣୀ ଗଁଦିଆ ଥାନାରେ ଏକ ଲିଖିତ ଅଭିଯୋଗ କରିଛନ୍ତି ।