କାଇମାଟିରେ ବୃଦ୍ଧାଙ୍କ ଉପରେ ଚଢି ଗଲା ବାଇକ

ଢେଙ୍କାନାଳ ସଦର ଥାନା କାଇମାଟି ଛକ ଠାରେ ଘଟିଯାଇଛି ଏକ ସଡ଼କ ଦୁର୍ଘଟଣା । ଦୁଇ ଜଣ ଯୁବକ ଅତ୍ୟନ୍ତ ମଦ୍ୟପାନ କରି ନିଶାସକ୍ତ ଅବସ୍ଥାରେ ଦ୍ରୁତ ଗତିରେ ଗାଡ଼ି ଚଳାଇ ଭାରଶ୍ୟାମ ହରାଇ ବୃଦ୍ଧଙ୍କ ଉପରେ ଗାଡି ଚଢାଇ ଦେଇଥିଲେ । ଫଳରେ ଘଟଣା ସ୍ଥଳରେ ବୃଦ୍ଧ ଜଣଙ୍କ ଗୁରତର ହୋଇପଡିଥିଲେ ଏବଂ ଉଭୟ ଦୁଇ ଯୁବକ ମଧ୍ୟ କ୍ଷତାକ୍ତ ହୋଇଥିଲେ ! ଘଟଣା ସ୍ଥଳରେ ସ୍ଥାନୀୟ ଲୋକ ପହଞ୍ଚି ବୃଦ୍ଧଙ୍କୁ ଶହେ ଆଠ ଆମ୍ବୁଲାନ୍ସ ଯୋଗେ ସ୍ଥାନୀୟ ସ୍ୱାସ୍ଥ୍ୟକେନ୍ଦ୍ରକୁ ପଠାଇଥିଲେ ।

ଘଟଣା ସ୍ଥଳରେ ଉତ୍ତେଜନା ପରିସ୍ଥିତି ସୃଷ୍ଟି ହେବାରୁ ପୋଲିସ ପହଞ୍ଚି ଲୋକଙ୍କୁ ବୁଝାସୁଝା କରି ବାଇକଟିକୁ ଜବତ କରିଥିଲା ।ବୃଦ୍ଧ ଜଣକ ୮୫ ବର୍ଷୀୟା ମଥୁରା ବେହେରା ବୋଇଥିବାବେଳେ ମଦ୍ୟପ ଦୁଇ ଯୁବକ ସ୍ଥାନୀୟ କାଇଁସ ଗ୍ରାମର ପ୍ରଦେଶ ଦେହୁରୀ ଓ ବିଷ୍ଣୁ ଦେହୁରୀ ବୋଲି ଜଣାପଡିଛି ।

ଦୁଇ ଯୁବକ ଯୋରନ୍ଦାରୁ ନିଜ ଗ୍ରାମକୁ ବାଇକ ଯୋଗେ ଫେରୁଥିଲେ । ଦୁଇ ଯୁବକ ଙ୍କ ଅବସ୍ଥା ଭଲ ଥିବା ବେଳେ ବୃଦ୍ଧଙ୍କ ଅବସ୍ଥା ଗୁରୁତର ଅଛି ବୋଲି ଜଣା ପଡିଛି l