ଚୋରି ଅଭିଯୋଗରେ ୩ ଜଣ ଡକାୟତ ଗିରଫ

ଢେଙ୍କାନାଳ ଜିଲ୍ଲା ପରଜଙ୍ଗ ଥାନା ଅଧିକାରୀଣି ନମିତା ନାୟକ ଚୋରି ଘଟଣାରେ ୩ ଡକାୟତକୁ ଗିରଫ କରି କୋର୍ଟ ଚାଲାଣ କରାଯାଇଥିବା ଜଣାପଡିଛି , ସୁଚନାନୁଯାୟୀ ପରଜଙ୍ଗ ଥାନା ଅଧୀନସ୍ଥ କନ୍ଦରସିଂହା ପଞ୍ଚାୟତ ଅନ୍ତର୍ଗତ କଟରାପଡା ଉଚ୍ଚ ପ୍ରାଥମିକ ବିଦ୍ୟାଳୟରୁ ଗତ ୨ ତାରିଖ ବିଳମ୍ବିତ ରାତିରେ ଚୋରି ହୋଇଥିବା ଜଣାପଡିଛି ।

ଏ ସମ୍ବନ୍ଧେ ବିଦ୍ୟାଳୟର ପ୍ରଧାନଶିକ୍ଷକ ପରଜଙ୍ଗ ଥାନାରେ ଏତଲା ଦେଇଥିଲେ । ଏହାକୁ ଭିତ୍ତିକରି ପୁଲିସ ତଦନ୍ତ କରିବା ଆରମ୍ଭ କରିଥିଲେ ,ତଦନ୍ତ ଜାରି ରଖି ଉକ୍ତ ପଞ୍ଚାୟତର ବାରଘରିଆ ସାହିର ଗୌରାଙ୍ଗ ନାଏକ , ଭାଲୁମୁଣ୍ଡାର ସଞ୍ଜୟ ନାଏକଙ୍କ ଠାରୁ ୬ଟି ବିଦ୍ୟୁତ୍ ଚାଳିତ ସିଲିଙ୍ଗ ଫ୍ୟାନ ଗୋଟିଏ ଷ୍ଟାଣ୍ଡ ଫ୍ୟାନ ଓ ଖେଳ ସାମଗ୍ରୀକୁ ଶତ୍ରୁଘ୍ନ ନାଏକ ନାମକ ବ୍ୟକ୍ତି କ୍ରୟ କରି ଥିବା ବେଳେ ଏହାକୁ ପୁଲିସ ଜବତ କରି ଅଭିଯୁକ୍ତ ଆସାମୀ ମାନଙ୍କୁ କୋର୍ଟ ଚାଲାଣ କରାଯାଇଛି ବୋଲି ଥାନା ଅଧିକାରିଣୀ ସୂଚନା ଦେଇଛନ୍ତି ।