କୂଅରେ ପଡି ୬ ବର୍ଷର ଶିଶୁର ମୃତ୍ୟୁ !

ଆଜି ସକାଳ ୧୧ଘଣ୍ଟା ସମୟରେ ଢେଙ୍କାନାଳ ଜିଲ୍ଲାର ହିନ୍ଦୋଳ ଏନ ଏ ସି ଅନ୍ତର୍ଗତ ୱାର୍ଡ ନଂ୧୩ ନିକଟ ବଡ଼ିଆ ସାହିରେ ଏକ ଅଭାବନୀୟ ଘଟଣା ରେ କୂଅରେ ପଡି ଏକ ଶିଶୁର ମୃତ୍ୟୁ ହୋଇଥିଲା।ଖବରରୁ ପ୍ରକାଶ ଯେ ହିନ୍ଦୋଳ ବ୍ଲକ ଖାଳିବରୀ ପଂଚାୟତ ର ସାଗର ବଡ଼ିଆ ଙ୍କ ୬ବର୍ଷ ର ପୁଅ ଆୟୁଷ ବାଡ଼ିଆ ବୟସ ୬ବର୍ଷୀୟ ପୁଅ ହିନ୍ଦୋଳ ଏନ ଏ ସି ୱାର୍ଡ ନଂ୧୩ ବାଡ଼ିଆ ସାହିସ୍ଥିତ ନିଜ ମାମୁଁ ଘରକୁ ବୁଲିବାକୁ ଆସିଥିଲେ ମାତ୍ର ଆଜି ଦିନ ଏଗାର ଘଣ୍ଟା ସମୟରେ ଖେଳୁ ଥିବା ସମୟରେ ଆୟୁଷ କୌଣସି କାରଣ ବଶତଃ ନିକଟରେ ଥିବା ଏକ କୂଅରେ ଖସି ପଡ଼ିଥିଲା।

ପାଖରେ ଥିବା ଲୋକମାନେ ଏହା ଦେଖି ତାଙ୍କୁ ଉଦ୍ଧାର କରିଥିଲେ ଏବଂ ହିନ୍ଦୋଳ ଡାକ୍ତରଖାନାକୁ ଆଣିଥିଲେ ମାତ୍ର ଡାକ୍ତର ତାଙ୍କୁ ମୃତ୍ୟୁ ଘୋଷଣା କରିଥିଲେ। ଏହି ଘଟଣା ନେଇ ଲୋକମାନେ ରାସ୍ତା ଅବରୋଧ କରିଥିଲେ ଏବଂ ଖବର ପାଇ ହିନ୍ଦୋଳ ଥାନା ପୋଲିସ ସେଠିକୁ ଯାଇ ଲୋକଙ୍କୁ ବୁଝାଶୁଝା କରି ରାସ୍ତା ଅବରୋଧ ହଟାଇବା ସହ ଶବ ଜବତ କରି ବ୍ୟବଚ୍ଛେଦ ପାଇଁ ପଠାଇ ୧୩/୧୦-୧୦-୨୧ ରେ ଏକ ମାମଲା ରୁଜ୍ଜୁ କରିଥିଲେ ।