ବ୍ୟବସାୟ ସାରି ଘରକୁ ଫେରୁଥିଲେ, ପଛରୁ ଚାପିଦେଲା ଟ୍ରକ ; ବାଇକ ଚାଳକ ମୃତ

ଢେଙ୍କାନାଳ ଜିଲ୍ଲା ଗଁଦିଆ ଥାନା ଅନ୍ତର୍ଗତ ଢେଙ୍କାନାଳ ଭୁବନ କୁ ସଂଯୋଗ କରୁଥିବା ରାସ୍ତା ର ଷଡ଼ଙ୍ଗୀ ମନ୍ଦାର ଧନିଆନାଳି ଝରଣ ନିକଟରେ ଏକ ମର୍ମନ୍ତୁଦ ସଡକ ଦୁର୍ଘଟଣା ଘଟିଯାଇଛି ।ଏହି ଦୁର୍ଘଟଣାରେ ଜଣେ ବାଇକ ଚାଳକ ଙ୍କର ଘଟଣା ସ୍ଥଳରେ ମୃତ୍ୟୁ ହୋଇଛି।

ସୂଚନା ଅନୁଯାୟୀ , ଭୁବନ ଲଷ୍ମୀଛକ ତେଲିସାହି ର ଡମ୍ବୁରୁଧର ପୃଷ୍ଟି ଙ୍କର ପୁତ୍ର ସଂଜୀଵ କୁମାର ପୃଷ୍ଟି( ୨୮) ଆଜି ନିଜ ବ୍ୟବସାୟ ସାରି
ଅପରାହ୍ନ ରେ ବାଇକ ଯୋଗେ ନିଜ ଘରକୁ ଫେରୁଥିଲେ ।ସେ ଘରକୁ ଫେରିବା ସମୟରେ ପଛପଟୁ ଏକ ମାଙ୍କଡା ପଥର ବୋଝେଇ ୪୦୭ ଗାଡି ତାଙ୍କୁ ଧକ୍କା ଦେଇଥିଲା ।

ଫଳରେ ସଂଜୀବ ଙ୍କର ସେହି ସ୍ଥାନରେ ମୃତ୍ୟୁ ହୋଇଛି । ସେ ବିବାହ କରିଥିବା ବେଳେ ଘରେ ତାଙ୍କର ୧୧ମାସ ପୁଅ ଓ ୫ବର୍ଷର ଝିଅ ଥିବାର ସୂଚନା ମିଳିଛି। ଘଟଣା ସ୍ଥଳରେ ଗଁଦିଆ ପୋଲିସ ପହଞ୍ଚି ମୃତ ଦେହକୁ ଜବତ କରିବା ସହିତ ବ୍ୟବଚ୍ଛେଦ ପାଇଁ ପଠାଇବା ସହ ଘଟଣା ର ତଦନ୍ତ ଜାରି ରଖିଛି ।