ପରଜଙ୍ଗ ପଞ୍ଚାୟତ ସମିତିର ଅନ୍ତିମ ଅଧିବେଶନ

ଢେଙ୍କାନାଳ ଜିଲ୍ଲା ପରଜଙ୍ଗ ବ୍ଲକ କାର୍ଯ୍ୟାଳୟ ପରିସରରେ ଶୁକ୍ରବାର ଦିନ ପଞ୍ଚାୟତ ସମିତି ବୈଠକ ଅନୁଷ୍ଠିତ ହୋଇଯାଇଛି ।ବ୍ଲକ ଅଧ୍ୟକ୍ଷ ଅକ୍ଷୟ କୁମାର ବେହେରାଙ୍କ ଅଧ୍ୟକ୍ଷତାରେ ଅନୁଷ୍ଠିତ ବୈଠକରେ ପୂର୍ବତନ ମନ୍ତ୍ରୀ ତଥା ସ୍ଥାନୀୟ ବିଧାୟକ ଡ , ନୃସିଂହ ଚରଣ ସାହୁ ମୁଖ୍ୟ ଅତିଥି ରୂପେ ଯୋଗଦେଇ ଥିବା ବେଳେ,ଗୋଷ୍ଠି ଉନ୍ନୟନ ଅଧିକାରୀ ବିନୋଦ ବେହେରା ସମ୍ମାନୀତ ଅତିଥି ଭାବେ ଯୋଗଦେଇଥିଲେ l

ଏତଦ୍ ବ୍ୟତୀତ ଏହି ବୈଠକରେ ସମସ୍ତ ପଞ୍ଚାୟତ ସରପଞ୍ଚ , ସମିତିସଭ୍ୟ ,ଜିଲ୍ଲା ପରିଷଦ ସଦସ୍ୟ ଉପସ୍ଥିତ ଥିବା ବେଳେ ସମସ୍ତ ବିଭାଗୀୟ ଅଧିକାରୀ ଓ କର୍ମଚାରୀ ଉପସ୍ଥିତ ଥିଲେ ।ଏହି ପରିପ୍ରେକ୍ଷୀରେ ବିଜୁ ଯୁବ ସେବା କେନ୍ଦ୍ର ,କଲେଜର ନୂତନ ଶ୍ରେଣୀ ଗୃହ , ପଞ୍ଚାୟତ କୋଭିଡ ସେଣ୍ଟର ,ମହିଳା ସମନ୍ଵିତ ବିକାଶ ଗୃହ , ପୁରାତନ ସଭାଗୃହ ପୁନଃ ନିର୍ମାଣ ,ପଞ୍ଚାୟତ ସମିତି ବିଶ୍ରାମ ଗୃହକୁ ପୁନଃ ନିର୍ମାଣ ଗୁଡ଼ିକୁ ବିଧାୟକଙ୍କ କରକମଳରେ ଶୁଭ ଉଦଘାଟନ କରାଯାଇଥିଲା ।

ପରେ ୨୨ ଟି ଗ୍ରାମର ୨୨ ଜଣଙ୍କୁ ଜଙ୍ଗଲ ଜମି ପଟ୍ଟା ସହିତ ୫୦ ଜଣଙ୍କୁ ବାର୍ଦ୍ଧକ୍ୟ ଭତ୍ତା ବିଧାୟକ ଶ୍ରୀ ସାହୁ ବଣ୍ଟନ କରିଥିଲେ ।କାର୍ଯ୍ୟକ୍ରମରେ ବ୍ଲକ ବିଜେଡ଼ି ସଭାପତି କୃଷ୍ଣ ଚନ୍ଦ୍ର ମହାନ୍ତି , ବ୍ଲକ ଯୁବ ବିଜେଡ଼ି ସଭାପତି ସୁବ୍ରତ କୁମାର ଦାସଙ୍କ ସମେତ ଶତାଧିକ ଦଳୀୟ କର୍ମୀ ଉପସ୍ଥିତ ଥିଲେ , ଉକ୍ତ କାର୍ଯ୍ୟକ୍ରମକୁ ବ୍ଲକ କନିଷ୍ଟ ଯନ୍ତ୍ରୀ ସଞ୍ଜୟ କୁମାର ଲେଙ୍କା ପରିଚାଳନା କରିଥିବା ବେଳେ ଆସିଷ୍ଟାଣ୍ଟ ଇଂଜିନିୟର ସୁଜନ କୁମାର ସାହୁ ,ଅତିରିକ୍ତ ଗୋଷ୍ଠୀ ଉନ୍ନୟନ ଅଧିକାରୀ ସଲିଳ କୁମାର ଦାସ , ଗ୍ରାମ ପଞ୍ଚାୟତ ନିର୍ବାହୀ ଅଧିକାରୀ ବିନୋଦ ବେହେରା ,ଅକ୍ଷୟ କୁମାର ସାହୁ ପ୍ରମୁଖ ସହଯୋଗ କରିଥିଲେ ।