ଅଗ୍ନିକାଣ୍ଡ ରେ ଜଳିଗଲା ୫ ବଖରା

ଅଗ୍ନିକାଣ୍ଡ ରେ ଜଳିଗଲା ୫ ବଖରା ଘର । ଢେଙ୍କାନାଳ ଜିଲ୍ଲା ପରଜଙ୍ଗ ବ୍ଳକ୍ ଚାନ୍ଦପୁର ପଞ୍ଚାୟତ ଖାଇରପସି ହରିଜନ ସାହିରେ ଚତୁର୍ଭୁଜ ନାୟକ ଙ୍କ ଘରେ ଆଜି ସନ୍ଧ୍ୟା ପ୍ରାୟ ୫ ଘଟିକା ସମୟରେ ଅଗ୍ନିକାଣ୍ଡ ଘଟି ୫ବଖରା ସମ୍ପୂର୍ଣ୍ଣ ପଡିଯାଇଛି ।

ସୂଚନା ଅନୁଯାୟୀ ,ଆଜି ଚତୁର୍ଭୁଜ ନାଏକ ଏବଂ ତାଙ୍କ ପୁଅ ରାଜେଶ ନାଏକ ଘରେ ଥିବା ବେଳେ ଘରେ ଅଚାନକ ନିଆଁ ଲାଗିଯାଇଥିଲା ,ଦେଖୁ ଦେଖୁ ନିଆଁ ରେ ୫ବଖରା ଜଳି ଭସ୍ମ ହୋଇଯାଇଛି । ଖବର ପାଇ ଅଗ୍ନିଶମ ବାହିନୀ ପହଁଚି ନିଆଁ କୁ ଆୟତ କରିଥିଲେ । ସର୍ଟ ସର୍କିଟ ରୁ ଅଗ୍ନିକାଣ୍ଡ ହୋଇଥିବା ଅନୁମାନ କରାଯାଉଥିବା ବେଳେ ଏହି ଅଗ୍ନିକାଣ୍ଡ ରେ ପ୍ରାୟ ୮୦ ହଜାର ଟଙ୍କାର ସମ୍ପତ୍ତି ନଷ୍ଟ ହୋଇଥିବା ବେଳେ ଉଭୟ ଚତୁର୍ଭୁଜ ଏବଂ ତାଙ୍କ ପୁଅ ଆହତ ହୋଇଛନ୍ତି । ତାଙ୍କୁ ସ୍ଥାନୀୟ ଲୋକଙ୍କ ସହଯୋଗରେ ୧୦୮ ଆମ୍ବୁଲାନ୍ସ ଯୋଗେ କାମାକ୍ଷାନଗର ଡାକ୍ତରଖାନାରେ ଭର୍ତ୍ତି କରାଯାଇଛି ।