ଆମ୍ବପଡା ଗ୍ରାମରେ ୭ ଲକ୍ଷ ଟଙ୍କାର ସମ୍ପତ୍ତି ଚୋରୀ ଅଭିଯୋଗ

ଢେଙ୍କାନାଳ ଜିଲ୍ଲା ଯୋରନ୍ଦା ଫାଣ୍ଡି କରମୂଳ ପଞ୍ଚାୟତ ଆମ୍ବପଡା ଗ୍ରାମରେ ଗତକାଲି ବିଳମ୍ବିତ ରାତିରେ ଜଣେ ବ୍ୟକ୍ତିଙ୍କ ଘରୁ ପ୍ରାୟ ୭ଲକ୍ଷ ଟଙ୍କାର ସମ୍ପତ୍ତି ଚୋରୀ ହୋଇଥିବା ଯୋରନ୍ଦା ଫାଣ୍ଡିରେ ଅଭିଯୋଗ ହୋଇଛି ।

ପୋଲିସ ସୂତ୍ରରୁ ଜଣାଯାଇଛି ଆମ୍ବପଡା ଗ୍ରାମରେ ପବିତ୍ର ମୋହନ ନାୟକଙ୍କ ଘରୁ ପ୍ରାୟ ୭ଲକ୍ଷ ଟଙ୍କାର ସମ୍ପତ୍ତି ଚୋରି ହୋଇଥିବା ସେ ଏତଲା ଦେଇଛନ୍ତି । ସେଥି ମଧ୍ୟରେ ୨୩ ଗ୍ରାମରେ ହାର,୧୨ ଗ୍ରାମରେ ଗୋଟିଏ ଚେନ୍,୩୦ ଗ୍ରାମର ୨ ହଳ ଚୁଡ଼ି,ହାତମୁଦି ୩ଟା ୨୭ ଗ୍ରାମ, କାନଫୁଲ ୯ହଳ ୫୪ଗ୍ରାମ୍,ନାକଫୁଲ ୧୦ଗ୍ରାମ୍୧୩୮ଗ୍ରାମ୍,ରୁପା ଅଳଙ୍କାର ୬୦୦ ଗ୍ରାମର ଓ ନଗଦ ଟଙ୍କା ୫୦ ହଜାର ଚୋରୀ ଯାଇଥିବା ଜଣାଯାଇଛି ।

ଗଁଦିଆ ଆଇଆଇସି ବିଷ୍ଣୁଚରଣ ବାରିକ,ଯୋରନ୍ଦା ଫାଣ୍ଡି ଅଧିକାରୀ ପଙ୍କଜ ମାଝି ସାଇଣ୍ଟିଫିକ୍ ଟିମ୍ ସହିତ ଘଟଣା ସ୍ଥଳରେ ପହଞ୍ଚି ତଦନ୍ତ କରିଛନ୍ତି । ଆସନ୍ତା କାଲି ପୋଲିସ କୁକୁର ସହାୟତାରେ ତଦନ୍ତ କରାଯିବ ବୋଲି ଫାଣ୍ଡି ଅଧିକାରୀ ଶ୍ରୀ ମାଝି ଜଣାଇଛନ୍ତି ।ଏଠାରେ ସୂଚନା ଥାଉକି, ପବିତ୍ର ମୋହନ ନାୟକ ଗତ ୨୦ ତାରିଖ ଦିନ ତାଙ୍କ ଝିଅ ଘରକୁ ପରିବାର ସହିତ ପାରାଦୀପ ଯାଇଥିଲେ ।

ଏହି ସୁଯୋଗ ନେଇ କେହି ଦୁବ୍ରୃତ୍ତ ଗତ କାଲି ମଧ୍ୟ ରାତ୍ରୀରେ ଘରର ପଛ ଦ୍ୱାରରେ ପଶି ଆଗ ଚାବି ଭାଙ୍ଗି ଚୋରି କରିଛି । ଗ୍ରାମବାସୀମାନେ ପୋଲିସ କୁ ଖବର ଦେବା ସହିତ ପବିତ୍ର ଙ୍କୁ ଖବର ଦେଇଥିଲେ। ପବିତ୍ର ଆସିବା ପରେ ପୋଲିସ ତଦନ୍ତ କରିଥିଲା ।