ବ୍ୟାନର କୁ ନେଇ ଗୋଷ୍ଠୀ ସଂଘର୍ଷ

ଢେଙ୍କାନାଳ ଜିଲ୍ଲା ଗଁଦିଆ ବ୍ଳକ୍ ନିହଲପ୍ରସାଦ ଥାନା ପିଙ୍ଗୁଆ ଗ୍ରାମର ଶ୍ରୀନିବାସ ସାହୁ ଙ୍କ ଏକ ବ୍ୟାନରରେ ବିଧାୟକଙ୍କ ଫଟୋ ଲାଗିଥିଲା ଯାହାକି ନୂଆ ପିଙ୍ଗୁଆ ଅଂଚଳରେ ଟଙ୍ଗା ଯାଇଥିଲା । ଯାହାକୁ ମମତା ମହାଳିକଙ୍କ ପୁଅ କାଳିଆ ମହାଳିକ ଲଗାଇଥିଲେ ।
ଏହକୁ ବିରୋଧ କରିଥିଲେ କୈଳାଶ ନାୟକ ଙ୍କ ସମର୍ଥକ ଜ୍ୟୋତି ରଞ୍ଜନ ସାହୁ , ଏହାକୁ ନେଇ ମମତାଙ୍କୁ ଜ୍ୟୋତିଏବଂ ତାଙ୍କ ସାଥି ରେ କୈଳାଶ ଙ୍କ କିଛି ସମର୍ଥକ ଗାଳିକରିବା ସହ ଦୁର୍ବ୍ୟବହାର କରିବାର ଥାନାରେ ମମତା ଲିଖିତ ଅଭିଯୋଗ କରିଥିବା ଜଣାଯାଇଛି ।

ପରେ ଶ୍ରୀନିବାସଙ୍କ ଦାଦା ପୁଅ ବାଦଲଙ୍କ ଠାରୁ ଜ୍ୟୋତି ରଞ୍ଜନ ଟଙ୍କା ଛଡାଇ ନେଇଥିବାର ଅଭିଯୋଗ ହୋଇଛି । ପରେ ଘଟଣାଟି ଗୋଷ୍ଠୀ ସଂଘର୍ଷ ରୂପ ନେଇଥିଲା । ଶ୍ରୀନିବାସ ସାହୁ ଙ୍କ ଲୋକମାନେ ପିଙ୍ଗୁଆ ତେଲ ଟାଙ୍କି ନିକଟରେ ଜ୍ୟୋତି ଙ୍କୁ ପାଇ ତାଙ୍କୁ ମାଡ଼ ଲହୁଲୁହାଣ କରିଥିଲେ । ଜ୍ୟୋତି ଙ୍କୁ ଗୁରୁତର ଅବସ୍ଥାରେ ଢେଙ୍କାନାଳ ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି ।

ତେବେ ଏ ନେଇ ଥାନାରେ ଏକ ଏତଲା ଉଭୟ ପକ୍ଷ ରୁ ରୁଜୁ ହୋଇଥିବାର ସୂଚନା ମିଳିଛି । ଏ ମାମଲାରେ ନିହାଲପ୍ରସାଦ ପୋଲିସ ଜଣେ ବ୍ୟାଙ୍କ ଅପରେଟର ଙ୍କୁ ଥାନାରେ ବସାଇଥିବା ଜଣା ପଡିଛି ।