ଭୁବନ ବେଢାପାଳ ରେ ଖୋଲିଲା ପ୍ରଥମ ଧାନମଣ୍ଡି

ଭୁବନ ବ୍ଲକରେ ଆଜି ଧାନମଣ୍ଡିର ଶୁଭାରମ୍ଭ ହୋଇଛି ପ୍ରଥମ ଥର ସ୍ୱୟଂ ସହାୟକ ଗୋଷ୍ଠୀ ଚାଷୀ ମାନଙ୍କଠାରୁ ଧାନ କ୍ରୟରେ ନିଜକୁ ସାମିଲ କରିଛନ୍ତି । ଭୁବନ ବ୍ଲକ ର ପ୍ରଥମ ଧାନ ମଣ୍ଡି ଅରଖପାଳ ପଂଚାୟତ ର ବେଢାପାଳ ଠାରେ ଅନୁଷ୍ଠିତ ହୋଇଯାଇଛି ।

ମୁଖ୍ୟ ଅତିଥି ଭାବେ ଯୋଗ ମିଶନ ଶକ୍ତି ର ବ୍ଲକ ସଂଯୋଜକ ବିଦ୍ୟାକାନ୍ତ ରାଉତ ଦେଇ ଉକ୍ତ ଧାନ ମଣ୍ଡିର ଶୁଭାରମ୍ଭ କରିଥିଲେ । ଏଥିରେ ଅନ୍ୟ ମାନଙ୍କ ମଧ୍ୟରେ ବେଢାପାଳ ଚାଷୀ କମିଟି ସଭାପତି ମହେଶ୍ୱର ରାଉତ, ସମାଜସେବୀ ଦେବରାଜ ସାହୁ ପ୍ରମୁଖ ଉପସ୍ଥିତ ରହି କିପରି ଭାବରେ ଚାଷୀ ମାନଙ୍କ ଠାରୁ ଧାନ କ୍ରୟ କରିପାରିବେ ସ୍ୱୟଂ ସହାୟକ ଗୋଷ୍ଠୀ ର ସଦସ୍ୟ ମାନଙ୍କୁ ପରାମର୍ଶ ଦେଇଥିଲେ ।

ଉକ୍ତ ଧାନ ମଣ୍ଡି ର ଦାୟିତ୍ୱ ସ୍ଥାନୀୟ ଶକ୍ତି ମା ବ୍ରାହ୍ମଣି ଦେବୀ ସ୍ୱୟଂ ସହାୟକ ଗୋଷ୍ଠୀକୁ ଦିଆଯାଇଛି । ପ୍ରଥମ ମଣ୍ଡିରେ ମୋଟ ଆଠ ଜଣ ଚାଷୀଙ୍କ ଠାରୁ ୨୦୭ କୁଇଣ୍ଟାଲ ଧାନ କ୍ରୟ କରାଯାଇଛି ବୋଲି ଧାନ କ୍ରୟ ଅଧିକାରୀ ତ୍ରିଫଳା ଜେନା କହିଛନ୍ତି ।