ହାତୀ ପାଇଁ ୪ ପରିବାର ହନ୍ତସନ୍ତ

ଢେଙ୍କାନାଳ ଜିଲ୍ଲା ମହାବୀରୋଡ ରେଞ୍ଜ ଡିହୋଡଳ ସେକ୍ସନ ରେ ଦିନକୁଦିନ ବଣୁଆ ହାତୀ ପଲ ଉପଦ୍ରବ ଦେଖିବାକୁ ମିଳିଛି । ସୂଚନା ଥାଉକି କିଛି ଦିନ ତଳେ ପରଜଙ୍ଗ ଅଞ୍ଚଳର ଅଷ୍ଟଶମ୍ଭୁ ମନ୍ଦିର,ପାଟରପଦା ସ୍କୁଲ ପାଚେରୀ ଭାଙ୍ଗି ଦେଇଥିବା ବେଳେ ଗତକାଲି ବିଳମ୍ବିତ ରାତିରେ ଡୋମଳ ଗ୍ରାମର ସୁରେଶ ନାଏକ, ନରେଶ ନାଏକ, ତ୍ରିଲୋଚନ ନାଏକ,କାମିନି ନାଏକ ଓ ଚିହିରୁ ନାଏକଙ୍କ ଘରକୁ ସମ୍ପୂର୍ଣ୍ଣ ଭାବରେ ହାତୀ ପଲ ନଷ୍ଟ କରିବା ସହ ଧାନ ,ପନିପରିବା ଉଜାଡି ଦେଇଛନ୍ତି ।

ବନ ବିଭାଗର କାର୍ଯ୍ୟକଳାପ କୁ ନେଇ ସାଧାରଣରେ ଅସନ୍ତୋଷ ପ୍ରକାଶ ପାଇଛି । ଆଗାମୀ ଦିନରେ କ୍ଷତିପୂରଣ ଆକଳନ କରି ସରକାର କ୍ଷତିଗ୍ରସ୍ତ ଦେବାକୁ ସ୍ଥାନୀୟ ବାସିନ୍ଦା ଦାବି କରିଛନ୍ତି । ମହାବୀରୋଡ ରେଞ୍ଜର କହିଛନ୍ତି କି ଆମେ ହାତୀ ଘଉଡ଼ାଇବାକୁ ପ୍ରୟାସ ଜାରି ରଖିଛୁ । କିନ୍ତୁ ବାରମ୍ବାର ରେଞ୍ଜର ଅଧିକାରୀଙ୍କ ଏଭଳି ମନ୍ତବ୍ୟ କେତେ ଯୁକ୍ତିଯୁକ୍ତ ତାହା ସ୍ଥାନୀୟ ଲୋକେ ମଧ୍ୟରେ ସନ୍ଦେହ ସୃଷ୍ଟି କରୁଛି ।