୨ ପୃଥକ ସଡ଼କ ଦୁର୍ଘଟଣା ରେ ୨ ଗୁରୁତର

ଢେଙ୍କାନାଳ ଜିଲ୍ଲା କଙ୍କଡ଼ାହାଡ଼ ବ୍ଲକ ଉରବେଙ୍ଗି
ନିକଟରେ ଭାରସ୍ୟାମ ହରାଇ ଓଲଟିଲା କାର, କାର ଚାଳକ ଗୁରୁତର, କାର ରେ ଥିବା ଅନ୍ୟ ଦୁଇ ଜଣ ସ୍ୱାଭାବିକ ଥିବା ସୂଚନା ମିଳିଛି ।

ସୂଚନା ମୁତାବକ ଗୁରୁତର ଜଣଙ୍କ ହେଉଛନ୍ତି ଓଢଣା ଗ୍ରାମର ସୁଶାନ୍ତ ମଲିକ। ସୁଶାନ୍ତ ଏକ କାର୍ ରେ କଙ୍କଡାହାଡ ରୁ କାର ଯୋଗେ ନିଜ ଘରକୁ ଫେରୁଥିବା ବେଳେ ଉରବେଙ୍ଗି ନିକଟରେ ଭାରସ୍ୟାମ ହରାଇ କାର ଟି ଓଲଟି ପଡିଥିଲା। ସ୍ଥାନୀୟ ଲୋକ ଆମ୍ବୁଲାନ୍ସ ଯୋଗେ ତିନି ଜଣଙ୍କୁ କାମାକ୍ଷାନଗର ଉପଖଣ୍ଡ ଚିକିତ୍ସାଳୟ ରେ ଭର୍ତ୍ତି କରିଥିଲେ ।ତେବେ ସେଠାରେ ସୁଶାନ୍ତ ଙ୍କ ଅବସ୍ଥା ସଂକଟାପନ୍ନ ଥିବା ବେଳେ ତାଙ୍କୁ କଟକ ବଡ ମେଡିକାଲ କୁ ସ୍ଥାନାନ୍ତରିତ କରାଯାଇଛି।

ଅନ୍ୟପଟେ କାମାକ୍ଷାନଗର ଥାନା ପଦ୍ମ ପୋଖରୀ ଗାଁ ନିକଟରେ ଗଛ ରେ ପିଟି ହେବା ଦ୍ୱାରା ବାଇକ ଚାଳକ ଗୁରୁତର ହୋଉଛନ୍ତି । ଗୁରୁତର ଜଣଙ୍କ ହେଉଛନ୍ତି କାମାକ୍ଷାନଗର ଦେଉଳ ସାହିର ମାନସ ନାୟକ। ସୂଚନା ମୁତାବକ ମାନସ ଭୋଜି ସାରି ଏକ ବାଇକ୍ ରେ ନିଜ ଘରକୁ ଫେରୁଥିବା ବେଳେ, ପଦ୍ମ ପୋଖରି ଗାଁ ନିକଟରେ ଅସବାଧନତା କାରଣ ରୁ ବାଇକଟି ଏକ ଗଛରେ ପିଟି ହୋଇଯାଇଥିଲା । ଫଳରେ ସେ ବାଇକ ରୁ ଖସି ପଡିଥିଲେ । ସ୍ଥାନୀୟ ଲୋକେ ତାଙ୍କୁ ଗୁରୁତର ଭାବେ କାମାକ୍ଷାନଗର ଉପଖଣ୍ଡ ଚିକିତ୍ସାଳୟ ରେ ଭର୍ତ୍ତି କରିଥିଲେ ।ତେବେ ବର୍ତ୍ତମାନ ତାଙ୍କ ଅବସ୍ଥା ସ୍ଵାଭାବିକ ଥିବା ଜଣାପଡ଼ିଛି।