ଗଣିତ ମଡେଲ ପ୍ରସ୍ତୁତି କର୍ମଶାଳା ଉଦଯାପିତ

କାନପୁରା ସ୍ଥିତ ପଞ୍ଚାୟତ ରାଜ ଉଚ୍ଚ ବିଦ୍ୟାଳୟର ମୋ ସ୍କୁଲ ଅଭିଯାନ କାର୍ଯ୍ୟକ୍ରମ ଅଧୀନରେ ନିର୍ମିତ ଗଣିତ ପ୍ରୟୋଗ ଶାଳାରେ ଚଳିତ ମାସ ୧୯ ତାରିଖରୁ ଗଣିତ ମଡେଲ ପ୍ରସ୍ତୁତି କର୍ମଶାଳା ଆରମ୍ଭ ହୋଇ ୨୫ ତାରିଖ ରେ ଉଦଯାପିତ ହୋଇଛି । ଏହି କାର୍ମଶାଳାରେ ଆନ୍ଧ୍ର ପ୍ରଦେଶ ସରକାରଙ୍କର ଶିକ୍ଷା ବିଭାଗ ର ଉପଦେଷ୍ଟା , ବିଜୱାଡା ର ଅବସରପ୍ରାପ୍ତ ଗଣିତ ଅଧ୍ୟାପକ ଡ଼.ପି. ସତ୍ୟନାରାୟଣ ଶର୍ମା କର୍ମଶାଳା ନିର୍ଦ୍ଦେଶକ ଭାବେ ଯୋଗ ଦେଇଥିଲେ ।

ବିଦ୍ୟାଳୟ ର ସମସ୍ତ ଗଣିତ ଶିକ୍ଷକ ଶିକ୍ଷୟିତ୍ରୀ ତଥା ଛାତ୍ରଛାତ୍ରୀ ପ୍ରତ୍ୟେକ ଦିନ ଗଣିତ ପ୍ରକଳ୍ପ , ନିର୍ମାଣ କରିବା ସହ ଏହାର ଉପଯୋଗୀତା ଓ ପ୍ରୟୋଗ ବିଷୟରେ ଶିକ୍ଷା ଲାଭ କରିଥିଲେ । ବିଭିନ୍ନ ଜ୍ୟାମିତିକ ମଡେଲ ଓ ଚାର୍ଟ ଗୁଡିକ ମାଧ୍ୟମରେ , ବୀଜ ଗଣିତ , ପରିମିତି , ସ୍ଥାନଙ୍କ ଜ୍ୟାମିତି , ତ୍ରିକୋଣମିତି ଆଦି କ୍ଳିଷ୍ଟ ପ୍ରଶ୍ନ ର ସମାଧାନ ସହଜରେ କରିବା ର କୌଶକ ଶିକ୍ଷା ଲାଭ କରିଥିଲେ । କର୍ମଶାଳା ମଧ୍ୟରେ ଅନ୍ୟତମ ସମ୍ମାନିତ ଅତିଥି ରୂପେ ଓଡିଶା ମାଧ୍ୟମିକ ଶିକ୍ଷା ପରିଷଦ ର ଅବସରପ୍ରାପ୍ତ ପ୍ରମୁଖ ଏକାଡେମିକ ଅଧିକାରୀ ଡ଼ଃ ନଳିନୀ କାନ୍ତ ମିଶ୍ର ଯୋଗ ଦେଇ ଶିକ୍ଷକ ତଥା ଛାତ୍ର ଛାତ୍ରୀ ମାନଙ୍କର ଗଣିତ ରେ ବିଭିନ୍ନ ବିଷୟଗତ ଅସୁବିଧା କୁ ଆଲୋଚନା ଜରିଆରେ ଦୂର କରିଥିଲେ ।

କର୍ମଶାଳା ରେ ନିର୍ମିତ ମଡେଲ ଗୁଡିକ ଶିକ୍ଷକ ମାନଙ୍କ ଦ୍ୱାରା ଶ୍ରେଣୀ ଗୃହରେ ପ୍ରଦର୍ଶିତ ହେଲେ ଛାତ୍ରଛାତ୍ରୀ ଙ୍କ ଗଣିତ ପ୍ରତି ଆଗ୍ରହ ସୃଷ୍ଟି ହେବ ବୋଲି ଶ୍ରୀ ମିଶ୍ର ମତ ପ୍ରକାଶ କରିଥିଲେ । ଅପରାହ୍ନ ରେ ବିଦ୍ୟାଳୟ ର ପ୍ରଧାନ ଶିକ୍ଷକ ଶ୍ରୀରାମ ରାଉତ ଙ୍କ ଅଧ୍ୟକ୍ଷତାରେ ଅନୁଷ୍ଟିତ ଉଜାପନ ଉତ୍ସବରେ ଜିଲ୍ଲା ଶିକ୍ଷା ଅଧିକାରୀ ନିବେଦିତା ପାଣି ମୁଖ୍ୟ ଅତିଥି, ଶିକ୍ଷାବିତ ବଟକୃଷ୍ଣ ଦାସ, ଅବସର ପ୍ରାପ୍ତ ପ୍ରଧାନ ଶିକ୍ଷକ ସୁକାନ୍ତ ଚରଣ ସାହୁ, ଲମ୍ବୋଦର ସାହୁ ଓ ବିଜ୍ଞାନ ଶିକ୍ଷକ ଲକ୍ଷ୍ମୀଧର ମହାନ୍ତ ପ୍ରମୁଖ ସମ୍ମାନୀତ ଅତିଥି ଭାବେ ଯୋଗ ଦେଇଥିଲେ ।

ପିଲାମାନଙ୍କ ଭିତରେ ଲୁଚିରହିଥିବା ଗୁଣା ବଳି ଗଣିତ ମଡେଲ ପ୍ରସ୍ତୁତ ଦ୍ଵାରା ଉଜ୍ଜୀବିତ ହୋଇପାରିବ ବୋଲି ମୁଖ୍ୟ ଅତିଥି ମତବ୍ୟକ୍ତ କରିଥିଲେ । ବିଦ୍ୟାଳୟ ତରଫର ମୁଖ୍ୟ ଅତିଥିଙ୍କ ଦ୍ଵାରା ଶ୍ରୀ ଶର୍ମାଙ୍କୁ ସମ୍ବର୍ଦ୍ଧିତ କରାଯାଇଥିଲା ଅଖିଳ ଭାରତୀୟ ବୈଦିକ ଗଣିତ ସହ ସଂଯୋଜକ ପ୍ରସନ୍ନ କୁମାର ସାହୁ ଉକ୍ତ କାର୍ମଶାଳାରେ ସହପ୍ରାଶିକ୍ଷାକ ଭାବେ ଯୋଗଦେଇଥିଲେ ।

ବିଦ୍ୟାଳୟର ଏହି ଗଣିତ ପ୍ରୟୋଗଶାଳାକୁ ଗଣିତ ମ୍ୟୁଜିଅମରେ ପରିରଣତ କରିବା ପାଇଁ ପ୍ରଧାନ ଶିକ୍ଷକ ଆଶା ପୋଷଣ କରିଥିଲେ । ଓଡ଼ିଶାରେ ଏପରି ଏକ ଅଭିନବ ପ୍ରୟାସକୁ କାର୍ମଶାଳା ନିର୍ଦ୍ଦେଶକ ଶ୍ରୀ ଶର୍ମା ଅତୀବ ପ୍ରଶଂସା କରିଥିଲେ । ନିଜେ ଶିଖି ଅନ୍ୟକୁ ଶିଖାଇଲେ କାର୍ମଶାଳାର ପ୍ରକୃତ ଉଦେଶ୍ୟ ସାଧିତ ହେବବୋଲି ସେ ପ୍ରକାଶ କରିଥିଲେ ।

ଗଣିତ ଶିକ୍ଷକ ଗଣିତ ଶିକ୍ଷକ ଧ୍ରୁବଚରଣ ସୁନ୍ଦରାୟ କର୍ମଶାଳକୁ ସୂଚାର ରୂପେ ପରିଚାଳନା କରିବା ସହ ସମସ୍ତଙ୍କୁ ଦନ୍ୟବାଦ ଅର୍ପଣ କରିଥିଲେ । ବିଦ୍ୟାଳୟ ର ଗଣିତ ଶିକ୍ଷକ ଚନ୍ଦ୍ରମଣି ଲେଙ୍କା , ନିରଞ୍ଜନ ସାହୁ , ବସନ୍ତ ସାହୁ , ଚିତ୍ତରଞ୍ଜନ ବିଶ୍ୱାଳ , ଶିକ୍ଷୟିତ୍ରୀ ସୁମିତ୍ରା ଜେନା , ଜ୍ୟୋତିର୍ମୟୀ ସାହୁ ପ୍ରମୁଖ କାର୍ମଶାଳାରେ ପ୍ରତ୍ୟକ୍ଷ ସହଯୋଗ କରିବା ସହ କମ୍ପ୍ୟୁଟର ବିଭାଗ ପକ୍ଷରୁ ସମରେନ୍ଦ୍ର ନାୟକ , ସୁଜିତ ବେହେରା ବୈଷୟିକ ସହାୟତା ପ୍ରଦାନ କରୁଛନ୍ତି ।ବିଦ୍ୟାଳୟ ର ସମସ୍ତ ଶିକ୍ଷକ ଶିକ୍ଷୟିତ୍ରୀ ଶିକ୍ଷାକର୍ମଚାରି ଏହି କର୍ମଶାଳା ରେ ସହଯୋଗ କରିଥିଲେ । କାର୍ମଶାଳାରେ ଅଂଶଗ୍ରହଣ କରିଥିବା ସମସ୍ତ ଶିକ୍ଷକ ଶିକ୍ଷୟିତ୍ରୀ ଓ ଛାତ୍ର ଛାତ୍ରୀ ମାନଙ୍କୁ ମୁଖ୍ୟ ଅତିଥି ମାନପତ୍ର ପ୍ରଦାନ କରିଥିଲେ ।