ଅର୍ଥ ସାଜିଛି ବାଧକ, ଦୁଇ ବର୍ଷ ହେଲା ବିଛଣା ରେ ଜ୍ଞାନରଞ୍ଜନ
ଓଡ଼ିଶା ସରକାରଙ୍କ ବିଜୁ ସ୍ଵାସ୍ଥ୍ୟ କଲ୍ୟାଣ ଯୋଜନା ହେଉ କିମ୍ବା କେନ୍ଦ୍ର ସରକାରଙ୍କର ହେଲଥ୍ କର୍ଡ ହେଉ ତାହାର ସୁବିଧା ଜାଣି ପାରୁନାହାନ୍ତି ଗ୍ରାମାଞ୍ଚଳରେ ଥିବା ଅଶିକ୍ଷିତ ଲୋକମାନେ । ନିର୍ବାଚନ ସମୟରେ ମିଠା ମିଠା କଥା କହୁଥିବା ସରପଞ୍ଚ କିମ୍ବା ଆଶା କର୍ମୀ କେହି ବି ସଠିକ୍ ବାଟ ବତାଇ ଦେବାପାଇଁ ଆଗେଇ ଆସୁ ନାହାନ୍ତି । ସୂଚନା ମୁତାବକ ଢେଙ୍କାନାଳ ଜିଲ୍ଲା ପରଜଙ୍ଗ ବ୍ଳକ୍ କନ୍ତୋର ପଞ୍ଚାୟତ କୋଷ୍ଟିଆ ବେଡା ଗ୍ରାମର ମକର ଧୋଜ ନାଏକ ଓ ମନୋରମା ନାଏକଙ୍କ ସାନ ପୁଅ ଜ୍ଞାନରଞ୍ଜନ ନାଏକଙ୍କ କଥା । ଜ୍ଞାନରଞ୍ଜନ ଭୁବନ ର ଏକ ହୋଟେଲ ରେ ମିସ୍ତ୍ରୀ ଭାବେ କାମ କରୁଥିଲେ ।ସ୍ୱଳ୍ପ ରୋଜଗାର ହେଲେ ମଧ୍ୟ ସୁରୁଖୁରୁରେ ଚଳିଯାଉଥିଲା ଘର କିନ୍ତୁ ସବୁଦିନ ସମାନ ଯାଏନି, ସୁରୁଖୁରୁରେ ଚଳୁଥିବା ଏ ଘରଟି ଉପରେ ହଠାତ ଦିନେ ଦୁଃଖର କଳାବାଦଲ ମାଡିଆସିଥିଲା , ୨୦୧୯ ମସିହା ନଭେମ୍ବର ୧୬ ତାରିଖ , ରାତି ପ୍ରାୟ ୯ ଟା ସମୟରେ ହୋଟେଲରୁ ନିଜ ଘରକୁ ଫେରୁଥାଆନ୍ତି ଜ୍ଞାନରଞ୍ଜନ , ଆଉମାତ୍ର ଗୋଟିଏ କିଲୋମିଟର ପରେ ପହଞ୍ଚି ଥାଆନ୍ତେ ଘରେ କିନ୍ତୁ ବିଧିର ବିଧାନ ଥିଲା ଅଲଗା l
ଫେରୁଥିବା ସମୟରେ ଗାଁ ପାଖରେ ହୁଅନ୍ତି ଦୁର୍ଘଟଣା ଗ୍ରସ୍ତ ,ଏକ ଅଜଣା ଗାଡି ପଛରୁ ତାଙ୍କୁ ଧକ୍କା ଦେଇଥିଲା, ରକ୍ତ ଜୁଡୁ ବୁଡୁ ହୋଇ ଚେତା ଶୂନ୍ୟ ଅବସ୍ଥା ରେ ପଡ଼ିଥିବା ଦେଖି ଲୋକମାନେ ଜ୍ଞାନରଞ୍ଜନଙ୍କ ଘର ଲୋକଙ୍କୁ ଖବର ଦେଇଥିଲେ । ଜ୍ଞାନଙ୍କ ବାପା ଅଟୋ ସାହାଯ୍ୟରେ ପ୍ରଥମେ କାମାକ୍ଷାନଗର ଚିକିତ୍ସାଳୟକୁ ନେଲା ପରେ ସେ ଢେଙ୍କାନାଳ ଜିଲ୍ଲା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତର କରିଥିଲେ l ୩ଦିନ ର ଚିକିତ୍ସା ପରେ କଟକ ଶ୍ରୀରାମଚନ୍ଦ୍ର ଭଞ୍ଜ ମେଡିକାଲ୍କୁ ସ୍ଥାନାନ୍ତର ହୋଇଥିଲେ ଜ୍ଞାନରଞ୍ଜନ , କଟକରେ ଦୁଇମାସ ରଖିଲା ପରେ ଡାକ୍ତର ଘରକୁ ଫେରାଇ ଦେଇଥିଲେ ,ଧିରେ ଧିରେ ଭଲ ହୋଇଯିବ ବୋଲି କହିଥିଲେ କିନ୍ତୁ ଭଲ ହେବ।
ବଦଳରେ ସଜ୍ୟାରେ ପଡ଼ି ପଡ଼ି ଜ୍ଞାନଙ୍କ ଦେହରେ କ୍ଷତ ସୃଷ୍ଟି ହେଉଛି ଏବଂ ସେ ସଯ୍ୟାଶାୟୀ ହୋଇପଡିଛନ୍ତି l ଗୋଡ଼ ଦୁଇଟି ଅକାମି ହୋଇଯିବା ଯୋଗୁଁ ଏବେ ସେ ଛିଡା ମଧ୍ୟ୍ୟ ହୋଇପାରୁ ନାହାନ୍ତି l ପୁଅକୁ ଭଲ କରିବାକୁ ଯାଇ ବାପା ,ମା ଘର ର ଏକମାତ୍ର ସମ୍ବଳ ଥିବା ଘରଡିହ ଖଣ୍ଡିକ ବିକ୍ରି କରି ସାରିଲେଣି। ରୋଜଗାର ଥିବାବେଳେ ଜ୍ଞାନଙ୍କ ସାଙ୍ଗରେ ତାଙ୍କର ଭାଇ ଥିବା ବେଳେ ଏବେ ତାଙ୍କଠାରୁ ଦୁଇ ଭାଇ ଅଲଗା ହୋଇ ଯାଇଛନ୍ତି ।
ଏ ବୟସରେ ରୋଜଗାର କରି ଦି ମୁଠା ପୁଅକୁ ଖାଇବାକୁ ଦେବା ସମ୍ଭବ ହେଉ ନ ଥିବା ବେଳେ ପୁଅକୁ କେମିତି ଭଲ କରିବୁ ବୋଲି ବୋଲି ଲୁହ ଛଳଛଳ ଆଖିରେ କହିଛନ୍ତି ଜ୍ଞାନରଞ୍ଜନ ଙ୍କ ବାପା l ଯନ୍ତ୍ରଣାରେ ଛଟପଟ ହେଉଥିବା ପୁଅର ର କଷ୍ଟକୁ ଆମେ ଆଉ ଦେଖି ପାରୁନାହୁଁ ବୋଲି କହିଛିନ୍ତି ତାଙ୍କ ମା ।
ଯଦି କେହି ସହୃଦୟ ବ୍ୟକ୍ତି ଜ୍ଞାନରଞ୍ଜନ ଙ୍କୁ ତାଙ୍କର ଏ ଅସହାୟ ଅବସ୍ଥାରେ ସହାୟତା ର ହାତ ବଢ଼ାଇବାକୁ ଚାହିଁବେ 9692840534 ନମ୍ବର ରେ ଯୋଗାଯୋଗ କରି କରିପାରିବେ l
