ଜିଲ୍ଲା ର ବିଭନ୍ନ ସ୍ଥାନରେ ଅଗ୍ନିକାଣ୍ଡ , ଲକ୍ଷାଧିକ ଟଙ୍କାର ସମ୍ପତ୍ତି ନଷ୍ଟ

ଢେଙ୍କାନାଳ ସଦର ଥାନା ସାରିଆପଡା ଗାଁରେ ଅଗ୍ନିକାଣ୍ଡ । ବିଦ୍ୟୁତ ସର୍ଟ ସର୍କିଟରୁ ଜଳିଗଲା ୪ବଖରା ଘର ଓ ଗୁହାଳ । ନିଆଁରେ ପୋଡ଼ି ହୋଇ ବାଛୁରୀ ମୃତ ଓ ଗାଈ ଗୁରୁତର । ଲକ୍ଷାଧିକ ଟଙ୍କାର ସମାଗ୍ରୀ ଓ ଧାନ ଚାଉଳ ପୋଡି ପାଉଁଶ ।

ସୂଚନା ଅନୁଯାୟୀ ଗତକାଲି ବିଳମ୍ବିତ ରାତିରେ ସାରିଆପଡ଼ା ଗାଁର ଦିପ୍ତୀ ରଞ୍ଜନ ନାୟକ ଙ୍କ ଘରେ ଆଚନକ ନିଆଁ ଲାଗିଯାଇଥିଲା । ଖବର ପାଇ ଢେଙ୍କାନାଳରୁ ଦମକଳ ବାହିନୀ ପହଞ୍ଚି ନିଆଁକୁ ଆୟତ୍ତ କରିଥିଲା । ଏହି ଅଗ୍ନିକାଣ୍ଡ ରେ ୪ବଖରା ଘର ଜଳିପୋଡ଼ି ପାଉଁଶ ହୋଇଯାଇଥିବା ବେଳେ ଆସବାବପତ୍ର ,ଧlନ ଚାଉଳ ସହ ପ୍ରାୟ ୩ଲକ୍ଷ ଟଙ୍କାର ସମ୍ପତି ପୋଡି ପାଉଁଶ ହୋଇଯାଇଛି l

ସେହିପରି ପରଜଙ୍ଗ ବ୍ଲକ ତଳବେରଣା ଗ୍ରାମ ରଗଡି ସାହି ର ବାବାଜୀ ବେହେରା ଙ୍କ ଘରେ ବିଳମ୍ବିତ ରାତିରେ ନିଆଁ ଲାଗି ଘର ର ସବୁ ଆସବାବପତ୍ର ଜଳି ପାଉଁଶ ହୋଇଯାଇଛି । ଏହି ଅଗ୍ନିକାଣ୍ଡ ରେ ୨ ବଖରା ଘର ପୋଡି ଯାଇଥିବା ବେଳେ
ଅଗ୍ନିଶମ ବିଭାଗ ଦ୍ଵାରା ନିଆଁ କୁ ଆୟତ କରାଯାଇଥିଲା ।

ଅନ୍ୟପଟେ ଭୁବନ ନୂଆବଜାର ଠାରେ ବିଳମ୍ବିତ ରାତିରେ ଏକ ରାସନ ଦୋକାନ ରେ ନିଆଁ ଲାଗିଯାଇଥିବା ବେଳେ ସ୍ଥାନୀୟ ଲୋକେ ନିଆଁକୁ ଆୟତ କରିଥିଲେ ।