ଚାରି ବର୍ଷ ର ଶିଶୁ ପୁତ୍ର କୁ ଦଳିଦେଲା ଦନ୍ତା ,ସ୍ଥାନୀୟ ଅଂଚଳ ରେ ଆତଙ୍କ

ଦନ୍ତା ଆକ୍ରମଣରେ ଶିଶୁ ମୃତ। ନୀରିହ ଶିଶୁକୁ ଦଳି ମାରିଦେଲା ହାତୀ। ଢେଙ୍କାନାଳ ଜିଲ୍ଲା କାମାକ୍ଷାନଗର ଅଞ୍ଚଳରେ ଏଭଳି ଅଭାବନୀୟ ଘଟଣା ଘଟିଛି।

ସୂଚନାଅନୁଯାୟୀ, ଦନ୍ତା ଆକ୍ରମଣରେ ଜଣେ ୪ ବର୍ଷର ଶିଶୁର ମୃତ୍ୟୁ ଘଟିଛି। ମୃତକ ଶିଶୁ ପୁତ୍ର ହେଲେ ପଶ୍ଚିମାଞ୍ଚଳ ରେଞ୍ଜ ମହୁଲଡଗର ଗ୍ରାମର ରସାନନ୍ଦ ଯେରେଇଙ୍କ ପୁଅ ଋଷି ଯେରେଇ। ଗୁରୁବାର ବିଳମ୍ବିତ ରାତିରେ ଏକ ଦନ୍ତା ହାତୀ ହଠାତ ଗାଁକୁ ହାତୀ ପଶି ଆସିଥିଲା । ରସାନନ୍ଦଙ୍କ ପରିବାର ଲୋକ ଶୋଇଥିବା ବେଳେ ଘର ଭାଙ୍ଗି ତାଙ୍କ ପୁଅକୁ ଦଳି ଦେଇଥିଲା । ଫଲରେ ଶିଶୁପୁତ୍ରଟିର ଘଟଣାସ୍ଥଳରେ ମୃତ୍ୟୁ ଘଟିଛି। ପୁଅର ମୃତ୍ୟୁ ପରେ ପରିବାର ଲୋକେ ପୁରା ଭାଙ୍ଗି ପଡିଛନ୍ତି ।

ରସାନନ୍ଦଙ୍କ ତିନି ସନ୍ତାନଙ୍କ ମଧ୍ୟରୁ ରିଷି ସବୁଠାରୁ ସାନ। ଶୋଇଥିବା ଅବସ୍ଥାରେ ହାତୀ ଆକ୍ରମଣ କରିଥିବାରୁ ନିଜ ପୁଅର ରକ୍ଷା କରିପାରି ନଥିଲେ ବୋଲି ରସାନନ୍ଦ ପ୍ରକାଶ କରିଛନ୍ତି। ଏହା ବ୍ୟତୀତ ଏହି ବସ୍ତିର ମଙ୍ଗଲ ଜେରାଇ ଓ ଶାମ ପିଙ୍ଗୁଆଙ୍କ ଘର ସହ ଆସବାବପତ୍ର ଭାଙ୍ଗି ଦେଇଥିବା ଜଣାପଡିଛି।

ସୂଚନା ଥାଉ କି ଦୀର୍ଘ ଦିନରୁ ଏ ଅଞ୍ଚଳରେ ଗୋଟିଏ ଦନ୍ତା ରାତି ହେଲେ ଜନବସତିକୁ ଆସି ବ୍ୟାପକ କ୍ଷୟକ୍ଷତି କରୁଛି। କିଛି ଦିନ ପୂର୍ବରୁ ତୁମୁସିଙ୍ଗା ପଞ୍ଚାୟତର ଝରାସାହିରେ ମଧ୍ୟ ଘର ଭାଙ୍ଗି ଦେବା ସହ ବ୍ୟାପକ ଫସଲ ନଷ୍ଟ କରିଥିଲା। ଅନେକ ଲୋକ ଭାଗ ଚାଷୀ ହୋଇଥିଲା ବେଳେ ହାତୀ ଦ୍ବାରା କ୍ଷୟକ୍ଷତି ବାବଦରେ ମିଳୁଥିବା ସରକାରୀ ସହାୟତା ପାଇ ପାରୁ ନାହାଁନ୍ତି। ଭୂମିହୀନମାନେ ସରକାରୀ ଜମି ଉପରେ ଘର କରି ରହୁଥିବାରୁ ସେମାନେ ମଧ୍ୟ ସରକାରୀ ସହାୟତାରୁ ବଞ୍ଚିତ ହେଉଛନ୍ତି।