ଦିନ ଦ୍ବିପ୍ରହରରେ ସହର ମଧ୍ୟରୁ ମହିଳାଙ୍କ ବେକରୁ ସୁନା ଚେନ ଲୁଟିଲେ

ମହିଳାଙ୍କ ବେକରୁ ସୁନା ଚେନ ଲୁଟ କରି ଦୂର୍ବୁତ୍ତ ଫେରାର।ଲୁଟ ବେଳର ସମ୍ପୂର୍ଣ୍ଣ ଦୃଶ୍ୟ ସିସିଟିଭିରେ କଏଦ ।ଏଭଳି ଏକ ଘଟଣା ଦେଖିବାକୁ ମିଳିଛି କାମାକ୍ଷାନଗର ଥାନା ଠାରୁ ମାତ୍ର ୧୦୦ ମିଟର ଦୂରରେ ଶିବ ମନ୍ଦିର ନିକଟରେ।

ସୂଚନା ଅନୁଯାୟୀ ,କାମାକ୍ଷାନଗର ସହର ଶିବମନ୍ଦିର ନିକଟରେ ମମତା ସାହୁ ନାମ୍ନି ମହିଳା ଚାଲି ଚାଲି ଭଡାଘରକୁ ଯାଉଥିବା ବେଳେ ଏହାର ସୁଯୋଗ ନେଇ ଦୁଇଜଣ ଯୁବକ ବାଇକ ଯୋଗେ ଆସିଥିବା ବେଳେ,ଜଣେ ବାଇକରୁ ଓହ୍ଲାଇ ସାରଙ୍କ ଘର ପଚାରିବା ବାହାନାରେ ମହିଳାଙ୍କ ବେକରୁ ସୁନା ଚେନ ଝାମ୍ପିନେଇ ନିର୍ମାଣଧିନ ରେଲଓ୍ବେ ରାସ୍ତା ଦେଇ ଫେରାର ହୋଇଯାଇଥିଲେ।

ଥାନା ଠାରୁ ମାତ୍ର ୧୦୦ମିଟର ଦୂରତାରେ ଲୁଟ ହେଉଥିବା ବେଳେ ଦୁର୍ବୃତ୍ତ ମାନେ ପୋଲିସକୁ ଖୋଲା ଚ୍ୟାଲେଞ୍ଜ ଦେଇଛନ୍ତି।ତେବେ ଏହି ଘଟଣା ନୂଆ ନୁହେଁ ପୂର୍ବରୁ ମଧ୍ୟ ଏହିଭଳି ଅନେକ ଲୁଟର ନଜିର ରହିଛି।ଯାହା ଫଳରେ ମହିଳା ମାନେ ଏକାକି ବାହାରକୁ ଯିବାକୁ କିମ୍ବା ରହିବାକୁ ଭୟ କରିଲେଣି।ପୋଲିସ ପେଟ୍ରାଲିଙ୍ଗ କଡାକଡି ଭାବରେ କରିବାକୁ ଦାବି ହେଉଛି।ତେବେ ଏହି ଲୁଟ ବେଳର ଭିଡିଓ ପଡିଶା ଘର ସିସିଟିଭିରେ କଏଦ ହୋଇଛି। ଏନେଇ ସଂପୃକ୍ତ ମହିଳା ଙ୍କ ସ୍ବାମି ନରେଶ କୁମାର ସାହୁ ଥାନାରେ ଲିଖିତ ଅଭିଯୋଗ ପରେ ସିସିଟିଭି ଫୁଟେଜକୁ ଆଧାର କରି ଅଧିକ ତଦନ୍ତ ଚଳାଇଛି ।