ବ୍ରାହ୍ମଣୀ ନଦୀକୂଳରୁ ବୃଦ୍ଧାଙ୍କ ମୃତଦେହ ଉଦ୍ଧାର

ପରଜଙ୍ଗ ଥାନା ସାନ୍ଦା ଫାଣ୍ଡି ଅନ୍ତର୍ଗତ ବତାସିଂହା ଗ୍ରାମ ବ୍ରାହ୍ମଣୀ ନଦୀ କୂଳରେ ଆଜି ଏକ ଅଚିହ୍ନା ମହିଳା (ବୃଦ୍ଧା) ମୃତ ଦେହ ଉଦ୍ଧାର ହୋଇଛି । ପ୍ରଥମେ ସ୍ଥାନୀୟ ବାସିନ୍ଦା ମୃତ ଦେହ ଦେଖିବାକୁ ପାଇଥିଲେ । ଏନେଇ ପରଜଙ୍ଗ ଥାନା କୁ ଖବର ଦେବାରୁ ଉକ୍ତ ମୃତ ଶରୀରକୁ ପୋଲିସ ଉଦ୍ଧାର କରି ପରଜଙ୍ଗ ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ର କୁ ପଠାଇବା ସହ ଅଧିକ ତଦନ୍ତ ଚଳାଇଥିଲେ ।

ମୃତ ବୃଦ୍ଧା ମହିଳା ଜଣଙ୍କ ହେଲେ ମୋଟଙ୍ଗା ଥାନା ଅନ୍ତର୍ଗତ ବିଡୋ ଗ୍ରାମର ଗୁରୁବାରିଆ ମହାରଣାଙ୍କ ସ୍ତ୍ରୀ ଦୈପଦୀ ମହାରଣା(୬୫) ସେ ଗତକାଲି ଠାରୁ ନଦୀକୁ ଗାଧୋଇବାକୁ ଆସି ଆଉ ଘରକୁ ଫେରି ନଥିଲେ । ପରିବାର ଲୋକ ସବୁ ଆଡେ ଖୁଜାଖୋଜି କରିଥିଲେ ମଧ୍ୟ କୈାଣସି ଖବର ପାଇ ନଥିଲେ ।

ଆଜି ଅପରାହ୍ନରେ ବତାସିଂହା ଗ୍ରାମ ନଦୀ କୂଳରେ ତାଙ୍କ ମୃତ୍ୟୁ ଦେହ ଦେଖିବାକୁ ମିଳିଥିଲା ,ଏହି ଖବରଟି ଚାରି ଆଡକୁ ପ୍ରସାରଣ ପରେ ପରିବାର ଲୋକେ ଆସି ଚିହ୍ନଟ କରିଥିଲେ । ସାନ୍ଦା ଫାଣ୍ଡିରେ ଏକ ଅପମୃତ୍ୟୁ ମାମଲା ରୁଜୁ କରି ଘଟଣାର ତଦନ୍ତ ଜାରି ରହିଥିବା ନେଇ ସୂଚନା ଦେଇଛନ୍ତି ପରଜଙ୍ଗ ଥାନା ଅଧିକାରୀ ସୈଭାଗ୍ୟ କୁମାର ସ୍ବାଇଁ ।