ରେଳଯାତ୍ରୀ ସମସ୍ୟା ନେଇ ବୈଠକ ,ମେମୁ ପାସେଞ୍ଜର ଟ୍ରେନ ଚଳାଚଳ ଦାବୀ

ଢେଙ୍କାନାଳ ଅନଗୁଳ ଜିଲ୍ଲା ଦୈନିକ ରେଳଯାତ୍ରା ସଂଘର ବାର୍ଷିକ ସାଧାରଣ ସଭା ସହର ନିକଟସ୍ଥ ଏକ ହୋଟେଲରେ ଅନୁଷ୍ଠିତ ହୋଇଯାଇଛି । ରେଳଯାତ୍ରୀ ମାନଙ୍କ ସହିତ ଲୋକସଭା ସାଂସଦ ମହେଶ ସାହୁ କନଫରେନ୍ସ ଯୋଗେ ସଂଘର ସଭାକୁ ଉଦବୋଧନ କରିଥିଲେ ।ସଂଘର ସମସ୍ତ କାର୍ଯ୍ୟରେ ସହଯୋଗ କରିବାକୁ ସାଂସଦ ପ୍ରତିଶ୍ରୁତି ଦେଇଥିଲେ ।

ଏହି ଅବସରରେ ରେଳଯାତ୍ରୀ ମାନଙ୍କର ବିଭିନ୍ନ ଦାବୀ ଅନଗୁଳ ପୁରୀ ମେମୋ ପାସେଞ୍ଜର ସମାୟାନୁବର୍ତ୍ତୀ କରିବା , ତାଳଚେର ପୁରୀ ମେମୋକୁ ପୁନର୍ବାର ଚଳାଇବା,ସମ୍ବଲପୁର ପୁରୀ ଇଣ୍ଟରସିଟି ଏକ୍ସପ୍ରେସ କୁ ପୁନଃ ଚଳାଚଳ କରାଇବା,ଢେଙ୍କାନାଳ ଠାରୁ ଖୋର୍ଦ୍ଧା ରୋଡ ପର୍ଯ୍ୟନ୍ତ ଏକ ମେମୋ ପାସେଞ୍ଜର ପ୍ରଚଳନ କରିବା ।

ପୁରୀ ଇନ୍ଦୋର ହମସଫର ଏକ୍ସପ୍ରେସର ଢେଙ୍କାନାଳ ଷ୍ଟେସନରେ ସମ୍ପର୍କରେ ବିଭିନ୍ନ ବିଷୟରେ ପ୍ରସ୍ତାବ ଆଗତ କରାଯାଇଥିଲା ।ସାଧାରଣ ସଭାରେ ସଭାପତି ଭାବେ ପୁନର୍ବାର ଲକ୍ଷ୍ମୀପ୍ରସାଦ
ପଟ୍ଟନାୟକ ସାଧାରଣ ସମ୍ପାଦକ ଭାବେ ବଦ୍ରିନବରାୟଣ ମିଶ୍ରଙ୍କୁ ସର୍ବ ସହମତରେ ମନୋନୀତ କରାଯାଇଥିଲା ।