୩ ଡକାୟତ ଗିରଫ ;ଅଟୋ ସହିତ ୫ଲକ୍ଷ ୪୧ ହଜାର ଜବତ

ଢେଙ୍କାନାଳ ଜିଲ୍ଲା ସଦର ଥାନା ବଳଦିଆବନ୍ଧରୁ ଡକାୟତି ଅଭିଯୋଗରେ ପୋଲସି ୩ ଡକାୟତଙ୍କୁ ଗିରଫ କରିଛି ସେମାନଙ୍କଠାରୁ ଏକ ଅଟୋ ସହିତ ୫ଲକ୍ଷ ୪୧ହଜାର ଟଙ୍କା ଏବଂ ସୁନା ଗହଣା ଜବତ କରିଥିବାର ଜଣାପଡିଛି ।

ବଳଦିଆବନ୍ଧ ଗ୍ରାମର ସାଇ ପ୍ରସାଦ ଦାଶଙ୍କ ଘରୁ ଚୋରି ଅଭିଯୋଗ ନେଇ, ସେ ସଦର ଥାନାରେ ଅଭିଯୋଗ କରିଥିଲେ। ଅଭିଯୋଗ ଅନୁସାରେ ପୋଲସି ଥାନାରେ ୮୫/୨୨ରେ ଏକ ମାମଲା ରୁଜ୍ଜୁ କରି ତଦନ୍ତ ଚଳାଇଥିଲା ।

ତଦନ୍ତ ସମୟରେ ସ୍ଥାନୀୟ ଅଞ୍ଚଳର ତିନି ଜଣ ଡକାୟତଙ୍କୁ ଗିରଫ କରିବା ସହତି ସେମାନଙ୍କ ଠାରୁ ଗୋଟିଏ ବାଜାଜ ପଲସର ମୋଟରସାଇକେଲ ନଂ ଓଡି୦୬କେ୮୨୩୪ ସହିତ ଗୋଟିଏ ଅଟୋ ନଂ ଓଡି୧୯କେ୬୯୯୮,ଗୋଟିଏ ସୁନା ମଙ୍ଗଳସୂତ୍ର , ଦୁଇଟି କାନ ରିଙ୍ଗ , ଗୋଟିଏ ମୁଦି , ଏବଂ ଦୁଇଟି ସୁନା ଚୁଡି ଉଦ୍ଧାର କରାଯାଇଛି । ଏ ସଂକ୍ରାନ୍ତରେ ତିନି ଅଭିଯୁକ୍ତ ସେମାଙ୍କନର ଦୋଷ ମାନିବା ସହିତ ସେମାନଙ୍କ ଜାମିନ ନାମାଞ୍ଜରୁ ହେବାରୁ ତାଙ୍କୁ ଜେଲ ହାଜତକୁ ପଠାଇଦିଆଯାଇଛି ।