ଜିଲ୍ଲାର ପୃଥକ ପୃଥକ ସ୍ଥାନରେ ଅଗ୍ନିକାଣ୍ଡ

କଙ୍କଡ଼ାହାଡ଼ ବ୍ଳକ୍ ଟଂପେଇ ଗ୍ରାମରେ ଅଗ୍ନିକାଣ୍ଡ ଘଟି ୩ ବଖରା ଘର ପୋଡିଯାଇଛି । ସୂଚନା ଅନୁଯାୟୀ ସୋମବାର ଭୋର ସମୟରେ ଗାଁ ର ସାବିତ୍ରୀ ସିଂହ ଙ୍କ ଘରେ କୌଣସି କାରଣରୁ ନିଆଁ ଲାଗିଯାଇଥିଲା । ଦେଖୁ ଦେଖୁ ନିଆଁରେ ୩ ବଖରା ଘର ସହ ଘରେ ଥିବା ସମସ୍ତ ସାମଗ୍ରୀ ଜଳି ଯାଇଥିଲା ।

ସେହିପରି ଗଁଦିଆ ବ୍ଲକ ନିହଲ ପ୍ରସାଦ ଥାନା କାଶୀପୁର ଗ୍ରାମରେ ଦାସ ମୁଣ୍ଡା ସର୍ଟସର୍କିଟ ହେତୁ ଆଜି ଦିନ ୧୧ ଘଟିକାରେ ୨ବଖରା ସହ ଘରେ ଥିବା ସମସ୍ତ ଆସବାବପତ୍ର ପୋଡି ପାଉଁଶ ହୋଇଯାଇଛି । ତେବେ ଘଟଣା ସ୍ଥଳରେ ଅଗ୍ନିଶମ ବିଭାଗ ଦ୍ଵାରା ନିଆଁକୁ ଆୟତ୍ତ କରାଯାଇଛି ।

ଅନ୍ୟପଟେ ହିନ୍ଦୋଳ ବ୍ଳକ୍ ନୂଆଗାଁ ୫ ନଂ ୱାର୍ଡ ର ପ୍ରାଣବନ୍ଧୁ ସାମଲଙ୍କ ଘରେ ଅଗ୍ନିକାଣ୍ଡ ଘଟି ଘର ସହ ଘରର ଆସବାବପତ୍ର ପୋଡି ପାଉଁଶ ହୋଇଯାଇଛି । ଏହି ଅଘଟଣ ସର୍ଟସର୍କିଟ ଦ୍ୱାରା ହୋଇଥିବାର ସନ୍ଦେହ କରାଯାଉଛି ।