ମଦ ପିଇ ମାଆ ର ମୁଣ୍ଡ ଫଟେଇଲା ପୁଅ !

ଢେଙ୍କାନାଳ ଟାଉନଥାନା ମାଣ୍ଡପା ସାହିରେ ଘଟିଛି ଅଭାବନୀୟ ଘଟଣା। ଜନ୍ମ କଲା ମାଆ କୁ ଶିଳପୁଆରେ ମାଡ ମାରି ମୁଣ୍ଡ ଫଟାଇଲା ମଦ୍ୟପ ପୁଅ ଦିଲିପ ସାହୁ।

ଘଟଣା ସ୍ଥଳରେ ଟାଉନ ଥାନା ପୋଲିସ ପହଁଞ୍ଚି ମଦ୍ୟପ ପୁଅକୁ କାବୁ କରି ଥାନାକୁ ନେଇଛି । ମାଣ୍ଡପା ସାହିର ବଂଶୀଧର ସାହୁଙ୍କ ପୁଅ ଦିଲିପ ସାହୁ ଆଜି ହାଟରୁ ବେପାର ସାରି ମଦ୍ଯପାନ କରି ଘରକୁ ଫେରି ନିଜ ମାଆ ସହିତ ପାଟି ତୁଣ୍ଡ କରି ତାଙ୍କୁ ଶିଳପୁଆ ଓ ପିଢା ରେ ଆଘାତ କରିଥିଲା । ପୋଲିସ ପହଞ୍ଚି ମାକୁ ଉଦ୍ଧାର କରି ମେଡିକାଲ ପଠାଇଥିଲେ । ଏବେ ସେ ଜିଲ୍ଲା ମୁଖ୍ୟ ଚିକିତ୍ସାଳୟରେ ଚିକିତ୍ସିତ ହେଉଛନ୍ତି।