ସତ୍ୟସାଇ ସେବା ସଂଗନ ତରଫରୁ ରକ୍ତଦାନ ଶିବିର ଅନୁଷ୍ଠିତ

ଢେଙ୍କାନାଳ ଜିଲ୍ଲାର ପରଜଙ୍ଗ ବ୍ଲକ ବଡଝରା ଠାରେ ମହାନ ଉତ୍କଳ ଦିବସରେଶ୍ରୀ ସତ୍ୟସାଇ ସେବା ସଂଗଠନ ଆନୁକୂଲ୍ୟରେ ଏକ ରକ୍ତ ଦାନ ଶିବିର ର ଆୟୋଜନ ହୋଇଯାଇଛି । ଏଥିରେ ଜିଲ୍ଲା ସତ୍ୟସାଇ ସେବା ସଂଗଠନ ର ଜିଲ୍ଲା ସଭାପତି ରଶ୍ମିରଞ୍ଜନ ଦାସ ଉପସ୍ଥିତ ରହି କାର୍ଯ୍ୟ ତଦାରଖ କରିଥିବା ବେଳେ ଗ୍ରାମ ପଂଚାୟତର ସରପଞ୍ଚ ଶ୍ରୀମତି ରୁନୁ ପ୍ରଧାନ ଓ ସମିତିସଭ୍ୟ ଶ୍ରୀଯୁକ୍ତ ଭୃଗୁବର ସାହୁ ଙ୍କ ଉପସ୍ଥିତି ଅଂଚଳର ଲୋକଙ୍କୁ ଆକୃଷ୍ଟ କରିଥିଲା ।

ଏଥିରେ ଆଖ ପାଖ ର କିଛି ଗ୍ରାମରୁ ଆଗ୍ରହୀ ବ୍ୟକ୍ତି ସ୍ୱଇଚ୍ଛା ରେ ଆସି ରକ୍ତଦାନ କରିଥିଲେ । ଏବଂ ସତ୍ୟସାଇ ସେବା ସଙ୍ଗଠନ ର ଆବାହକ ଦେବବ୍ରତ ସାହୁ ଓ ଯୁବ ଆବାହକ ଅଭୟ କୁମାର ସାହୁ ସାଇ ସଂଗଠନର ସମସ୍ତ ସଦସ୍ୟ ଙ୍କ ସହଯୋଗରେ ଏ ଶିବିର ଅୟୋଜନ କରିଥିବା ସଂଗଠନ ତରଫରୁ କୁହାଯାଇଛି ।ଏଥିରେ ମୋଟ ୮୮ ୟୁନିଟ ରକ୍ତ ସଂଗ୍ରହ ହେଇଥିବା ଜଣା ପଡ଼ିଛି ।