କଟାବାହାଳ ଗାଁର ପରିବା ବେପାରୀଙ୍କୁ ହତ୍ୟା ଘଟଣାରେ ମୁଖ୍ୟ ଅଭିଯୁକ୍ତ ସହ ୨ ଗିରଫ

ବନ୍ଧା ହେଲେ ଦୁଇ ମଦ୍ୟପ ଯୁବକ । ଢେଙ୍କାନାଳ ଜିଲ୍ଲା ପରଜଙ୍ଗ ଥାନା କଟାବାହାଳ ଗାଁରେ ଜଣେ ପରିବା ବେପାରୀଙ୍କୁ ଠେଙ୍ଗାରେ ପିଟି ପିଟି ବିଭତ୍ସ ଭାବେ ହତ୍ୟା କରିଥିବା ଘଟଣାରେ ୨ ଜଣ ଗିରଫ ହୋଇଛନ୍ତି ।

ଗିରଫ ଅଭିଯୁକ୍ତ ମାନେ ହେଲେ ପାଟରପଦା ଗାଁର ବଗଲା ବାରିକ ଏବଂ ତାଙ୍କ ସହଯୋଗୀ ସନ୍ତୋଷ ବାରିକ । ଉଭୟଙ୍କୁ ପରଜଙ୍ଗ ପୋଲିସ ଗିରଫ କରି କୋର୍ଟ ଚାଲାଣ କରିଛି । ସୂଚନା ଅନୁଯାୟୀ ଗତ ଶୁକ୍ରବାର ଦିନ ଅପରାହ୍ନ ପ୍ରାୟ ସାଢ଼େ ୧୨ ଟା ସମୟରେ କଟାବାହାଳ ଗାଁର ରମେଶ ଚନ୍ଦ୍ର ଦେହୁରୀ ଗାଁ ପାଖ ଶାଳମୁଣ୍ଡା ପୋଖରୀରୁ ଗଧୋଇ ସାରି ଘରକୁ ଫେରୁଥିବା ବେଳେ ବଗଲା ବାରିକ ଓ ସନ୍ତୋଷ ବାରିକ ଠେଙ୍ଗାରେ ପିଟି ପିଟି ତାଙ୍କୁ ନିର୍ମମ ଭାବେ ହତ୍ୟା କରିଥିଲେ । ଏ ନେଇ ପରଜଙ୍ଗ ପୋଲିସ ଅଭିଯୁକ୍ତଙ୍କୁ ଧରିବାରେ ସଫଳ ହୋଇଥିଲା । ତେବେ ପାରିବାରିକ କଳହରୁ ହତ୍ୟାକାଣ୍ଡ ହୋଇଥିବା ଜଣାପଡିଛି ।