ଢେଙ୍କାନାଳ ଜିଲ୍ଲା ଗଁଦିଆ ବ୍ଳକ ରାଇତଳା ପଞ୍ଚାୟତରେ ମନରେଗା କାର୍ଯ୍ୟରେ ମହାଦୁର୍ନୀତି ହୋଇଥିବା ବିଡ଼ିଓ ଙ୍କ ନିକଟରେ ଅଭିଯୋଗ ହୋଇଛି ମିଥ୍ୟା ବିଲ କରି ୧କୋଟି ୫୦ଲକ୍ଷ ଟଙ୍କା ହଡପ
କରାଯାଇଥିବାର ଅଭିଯୋଗ କରାଯାଇଛି ।
ରାଇତଳା ପଞ୍ଚାୟତରେ ୨୦୧୯-୨୦ ଆର୍ଥିକ ବର୍ଷରେ ଦେଢ କୋଟି ଟଙ୍କାର ମନରେଗା କାର୍ଯ୍ୟରେ ଦୁର୍ନୀତି ହୋଇଛି । ଅଭିଯୋଗ ଅନୁସାରେ ଗତ ୨୦୧୯ ଅକ୍ଟୋବର ୨ ତାରିଖ ଗାନ୍ଧୀ ଜୟନ୍ତୀ ଦିନ ୪ଟି କାର୍ଯ୍ୟ ମୋଟ ୪୦ଲକ୍ଷ ଟଙ୍କାର କରାଯାଇଛି । ମାତ୍ର ୫ଏକର ଜମିରେ ୪ଟି କାର୍ଯ୍ୟ କରାଯାଇଥିବାର ଦର୍ଶାଇ ଏହି ବିଲ କରାଯିବା ସହତି ଟଙ୍କା ହଡପ କରାଯାଇଛି । ସେହିପରି ଫିଡର ଚ୍ୟାନେଲ ଚୁଆବାହାଳୀ ଠାରୁ ସିଆରିଆ ବନ୍ଧ ପର୍ଯ୍ୟନ୍ତ ସାଇଡୱାଲ କାର୍ଯ୍ୟ ଆରମ୍ଭର ଦୁଇ ମାସ ମଧ୍ୟରେ ଭାଙ୍ଗି ଯାଇଥିଲା । ଏ ସମ୍ପର୍କରେ
ବୋଡିଓ ଏବଂ ପିଡି ଙ୍କୁ ଜଣାଇଲେ ମଧ୍ୟ କୌଣସି କାର୍ଯ୍ୟ।ନୁଷ୍ଠାନ ହେଲା ନାହିଁ ।
ରାଇତଳା ଗ୍ରାମରେ ସଂରକ୍ଷତି ଜଙ୍ଗଲ ଅଧିନରେ ଥିବା ଏକ ଜମିରେ ଡିପିଇପି ସ୍କୁଲ ଖେଳ ପଡିଆ ଏବଂ ମୃତ୍ତିକା ସଂରକ୍ଷଣ ବିଭ।ଗ ଅଧିନରେ ଥିବା ଜମିରେ ଗ୍ରାମ ଖେଳ ପଡିଆ । କାର୍ଯ୍ୟକୁ ୪ଲକ୍ଷ ୧୯ ହଜାର ଟଙ୍କାରେ କରାଇଥିବା ବେଳେ କିଭଳି ସଂରକ୍ଷତି ଜମିରେ କାର୍ଯ୍ୟ ହେଲା ଏବଂ ଗୋଟିଏ ମାସରେ ବିଲ ପ୍ରଦାନ କରାଗଲା ତାକୁ ପ୍ରଶ୍ନବାଚୀ ସୃଷ୍ଟି ହୋଇଛି । ମନରେଗା କାର୍ଯ୍ୟରେ ସରକାରୀ ଚାକିରିଆ,ମୃତ ଲୋକଙ୍କ ନାମରେ ଜବ କାର୍ଡ କରାଯାଇ ମଜୁରୀ ପ୍ରଦାନ କରାଯାଇଛି । ଗ୍ରାମର କାଠିଆ ନାଏକ ମୃତ ହୋଇଥିବାବେଳେ ତାଙ୍କ ନାମରେ ମଜୁରୀ ପ୍ରଦାନ କରାଯାଇଛି ।
ସେହିପରି କଳାବତୀ ଜେନା ମୃତ ହୋଇଥିବା ବେଳେ ଜଣେ ବ୍ୟକ୍ତିଙ୍କ ନାମରେ ଦୁଇ ଦୁଇଟି ଆକାଉଣ୍ଟ ଖୋଲାଯାଇ ମଜୁରୀ ପ୍ରଦାନ କରାଯାଇଛି । ଗ୍ରାମର କୈଳାସ ଜେନା,ସିପୁ ଜେନା,ନେମ୍ବୁଆ ନାୟକ,ଲଛମନ ନାୟକ,ରିଙ୍କୁ ଦଳେଇ,ଗୌତମ ମହାରଣାଙ୍କ ନାମରେ ଦୁଇ ଦୁଇଟି ଖାତା ଖୋଲାଯାଇ ମଜୁରୀ ପ୍ରଦାନ କରାଯାଛି । ଗୌତମ ମହାରଣା ଜଣେ ସରକାରୀ ଚାକିରିଆ ହୋଇଥଥିବା ବେଳେ ତାଙ୍କ ନାମରେ କିପରି ମଜୁରୀ ପ୍ରଦାନ କରାଗଲା ତାକୁ ନେଇ ପ୍ରଶ୍ନବାଚୀ ସୃଷ୍ଟି ହୋଇଛି । ରାଇତଳା ପଞ୍ଚାୟତରେ କୋଟି କୋଟି ଟଙ୍କାର ମନରୋଗା ଦୁର୍ନୀତି ଖୋଳତାଡ କରିବାକୁ ଦାବି ହୋଇଛି ।