ରାସ୍ତା କଡ଼ରୁ ମୃତଦେହ ଉଦ୍ଧାର !

କାମାକ୍ଷାନଗର ବ୍ଲକ ତୁମୁଁସିଙ୍ଗା ଥାନା ଅନ୍ତର୍ଗତ କନ୍ତିଓକାଟେଣୀ ଗାଁ ର କଟା ନିକଟରୁ ଏକ ମୃତଦେହ ଉଦ୍ଧାର ହୋଇଛି ।ମୃତକ ହେଲେ ଏହି ଗାଁ ର ଶତ୍ରୁଘ୍ନ ଦେହୁରୀ ।

ସେ ଆଜି ସକାଳ ସମୟରେ ସାହିର ଅନ୍ୟ ତିନି ଜଣଙ୍କ ସହିତ ବୁଲିବାକୁ ଯାଇଥିଲେ। ତେବେ ପରେ କାଟେଣୀ ରଗୁଡିତଳ ଓ ବାବାଜୀ ମଠକୁ ସଂଯୋଗ କରୁଥିବା ରାସ୍ତା କଡ଼ରେ ସେ ପଡ଼ିଥିବା ଲୋକ ପୋଲିସକୁ ସୂଚନା ଦେଇଥିଲେ। ଘଟଣାସ୍ଥଳରେ ପୋଲିସ ପହଁଞ୍ଚି ଗୋଟିଏ କାର ଓ ଅନ୍ୟ ତିନି ଜଣଙ୍କୁ ଅଟକ ରଖିଛି।

ପୋଲିସ ମୃତ ଶତ୍ରୁଘ୍ନ ଦେହୁରୀଙ୍କୁ ବ୍ୟବଛେଦ ପାଇଁ ପଠାଇଥିବା ବେଳେ ତଦନ୍ତ ଜାରି ରଖିଛି। ବ୍ୟବଚ୍ଛେଦ ରିପୋର୍ଟ ଆସିବା ପରେ ମୃତ୍ୟୁର ରହସ୍ୟ ଜଣାପଡ଼ିବ ବୋଲି ଥାନା ଅଧିକାରୀ ପ୍ରକାଶ କରିଛନ୍ତି।