ସ୍ଵର୍ଣ୍ଣ ପଦକ ହାସଲ କଲେ ପରଜଙ୍ଗ କଲେଜ ଛାତ୍ରୀ

ଢେଙ୍କାନାଳ ଜିଲ୍ଲା ପରଜଙ୍ଗ ମହାବିଦ୍ୟାଳୟର ଛାତ୍ରୀ ମୋନାଲିସା ସାହୁ ଓଡ଼ିଆ ବିଭାଗ ( ସମ୍ମାନ )ରେ ଉତ୍କଳ ବିଶ୍ୱବିଦ୍ୟାଳୟ ସ୍ତରରେ ସ୍ଵର୍ଣ୍ଣ ପଦକ ହାସଲ କରି ଅଞ୍ଚଳ ପାଇଁ ପ୍ରଶଂସାର ପାତ୍ର ହୋଇଛନ୍ତି ।୨୦୨୨ ରେ ହୋଇଥିବା ଉତ୍କଳ ବିଶ୍ୱବିଦ୍ୟାଳୟର ୫୧ ତମ ସମାବର୍ତ୍ତନ ଉତ୍ସବରେ ପ୍ରଥମ ଦଶ ଜଣଙ୍କ ମଧ୍ୟରେ ପ୍ରଥମ ତଥା ଉକ୍ତ ବିଭାଗରେ ସର୍ବାଧିକ ନମ୍ବର ରଖିଥିବାରୁ ଭକ୍ତ କବି ମଧୁସୂଦନ ରାଓ ମେମୋରିଆଲ ସ୍ଵର୍ଣ୍ଣ ପଦକ ପ୍ରଦାନ କରାଯାଇଛି ।

ପରଜଙ୍ଗ ମହାବିଦ୍ୟାଳୟର ସୁନାମ ଅର୍ଜନ କରିଥିବା ଛାତ୍ରୀଙ୍କ ପାଇଁ ଆଜି ଅଧ୍ୟକ୍ଷ ଡ,ନିହାର ରଞ୍ଜନ ସାହୁ , ଓଡ଼ିଆ ବିଭାଗର ମୁଖ୍ୟ ଅଧ୍ୟାପକ ପ୍ରସନ୍ନ କୁମାର ସାହୁ ,ଅଞ୍ଜନ କୁମାର ମହାରଣା ଅଧ୍ୟାପିକା ପ୍ରାଚିପ୍ରଭା ସାଏନ୍ତ , ଦେବୀକୃପା ଦଳବେହେରାଙ୍କ ସମେତ ଅନ୍ୟ ସମସ୍ତ ଅଧ୍ୟାପକ ଅଧ୍ୟାପିକା କର୍ମଚାରୀ ତାଙ୍କର ଉଜ୍ବଳ ଭବିଷ୍ୟତ କାମନା କରି ଶୁଭେଛା ବାର୍ତ୍ତା ଜଣାଇଛନ୍ତି ।

ଛାତ୍ରୀ ମୋନାଲିସା ପରଜଙ୍ଗ ପଞ୍ଚାୟତ ଡିହଡୋଳ ଗ୍ରାମର ପିତା ମଳୟ ସାହୁ ଓ ମାତା ରୀନା ସାହୁଙ୍କ ଜେଷ୍ଠା କନ୍ୟା ଅଟନ୍ତି ତାଙ୍କର ଏହି ସଫଳତା ହାସଲ କରିଥିବାରୁ ଅଞ୍ଚଳବାସୀ ଓ କଲେଜରେ ଅଧ୍ୟୟନ କରୁଥିବା ଛାତ୍ର ଛାତ୍ରୀଙ୍କ ମନରେ ଖୁସିର ଲହରୀ ଖେଳିଯାଇଛି ।