ବଜ୍ରାଘାତରେ ଶଳା ଓ ଭିଣୋଇ ମୃତ !

କଙ୍କଡାହାଡ ଥାନା ମକୁଆକାଟେଣି ଗ୍ରାମରେ ବଜ୍ରାଘାତରେ ଶଳା ଭିଣୋଇଙ୍କ ମୃତ୍ୟୁ ହୋଇଛି ।ମୃତକ ୨ଜଣ ହେଲେ ମକୁଆକାଟେଣି ଗ୍ରାମର ଦେବଦତ୍ତ ପଧାନ ଓ ଚକାପାଳ ଗ୍ରାମର ପ୍ରକାଶ ପଧାନ।

ସୂଚନା ଅନୁଯାୟୀ , ଅପରାହ୍ନରେ ୨ଜଣ ଯାକ ସାଙ୍ଗ ହୋଇ ଗ୍ରାମ ନକିଟସ୍ଥ କାଜୁ ଜଙ୍ଗଲକୁ ଗୋଟାଇବାକୁ ବେଳେ ହୋଇଥିଲା ବଜ୍ରାଘାତ।କାଳବୈଶାଖି ବର୍ଷା ସାଙ୍ଗକୁ ବଜ୍ରାଘାତ ହୋଇଥିଲା।ଏହି ସମୟରେ ୨ଜଣ ଯାକ ଆଶ୍ରୟ ନେବାକୁ ଗଛ ତଳକୁ ଯାଈଥିବା ବେଳେ ବଜ୍ରାଘାତ ହୋଇଥିଲା।ପରିବାର ଲୋକ ଖବର ପାଇ ଉଭୟଙ୍କୁ ଉଧାର କରି ମେଡିକାଲରେ ଭର୍ତ୍ତି କରି ଥିବା ବେଳେ ଡାକ୍ତର ମୃତ ଘୋଷଣା କରିଛନ୍ତି।ଏହାକୁ ନେଇ ମେଡିକାଲ ପରିଷରରେ ଏକ ଶେକାକୂଳ ପରିବେଶ ଦେଖାଦେଇଛି।

ସେହିପରି ମାର୍ଥାପୁର ଗାଁ ଶବରସାହିରେ ଗଛ ପଡିଯିବାରୁ ଗୋବର୍ଦ୍ଧନ ବାରିକଙ୍କ ସ୍ତ୍ରୀ ଶାନ୍ତିଲତା ଗୁରୁତର ହୋଇଛନ୍ତି । ତାଙ୍କୁ ଢେଙ୍କାନାଳ ଜିଲ୍ଲା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତର କରାଯାଇଛି ।