ଦର୍ଶନ କରିବାକୁ ଯାଇଥିଲେ ;କପିଳାସ ବାରଵାଙ୍କରେ ଓଲଟିଲା ଅଟୋ, ଜଣେ ମୃତ ୪ ଆହତ

କପିଳାସ ବାରବାଙ୍କରେ ଅଘଟଣ । ଦର୍ଶନ ପାଇଁ ଯାଉଥିବା ବେଳେ ଓଲଟି ପଡିଲା ଯାତ୍ରୀବାହୀ ଅଟୋ । ଜଣଙ୍କର ମୃତ୍ୟୁ ହୋଇଥିବା ବେଳେ ୪ଜଣ ଆହତ ହୋଇଥିବା ସୂଚନା ।

ସୂଚନା ମୃତାବକ ଅନୁଗୁଳ ଜିଲ୍ଲାର ତଳମୂଳ ଗ୍ରାମର କିଛି ଯୁବକ ବାବାଙ୍କ ଦର୍ଶନ କରିବାପାଇଁ ଗତରାତି ୧୨ଟା ସମୟରେ ଯାଉଥିଲେ। ଅଟୋଟି ୧୧ନମ୍ବର ବାଙ୍କ ରାସ୍ତାରେ ବ୍ରେକ ଫେଲ ହୋଇଯିବାରୁ ଓଲଟି ପଡିଥିଲା । ଫଳରେ ଜଣଙ୍କର ମୃତ୍ୟୁ ହୋଇଥିବା ବେଳେ ୪ ଜଣ ଆହତ ହୋଇଛନ୍ତି।

ଏହି ଅଟୋଟିରେ ୧୦ଜଣ ଯୁବକ କପିଳାସ ଦର୍ଶନ କରିବାକୁ ବାର ବାଙ୍କ ରାସ୍ତାରେ ଯାଉଥିଲେ । ଖବର ପାଇ ଘଟଣାସ୍ଥଳରେ ଗତ ରାତିରେ ଗନ୍ଦିଆ ପୋଲିସ ପହଞ୍ଚି ଆହତଙ୍କୁ ଆମ୍ବୁଲାନ୍ସ ଯୋଗେ ଢେଙ୍କାନାଳ ମୁଖ୍ୟ ଡାକ୍ତର ଖାନାରେ ଭର୍ତ୍ତିକରିଥିଲା । ମୃତକ ଜଣଙ୍କ
ତଳମୂଳ ଗ୍ରାମର ସୁଜିତ ସେଠୀ ବୋଲି ଜଣାପଡିଛି।