ଗ୍ୟାସ ପାଇପ ଲାଇନ କାଟୁଥିବା ସମୟ ରେ ଚଢ଼ାଉ କଲା ପୋଲିସ

ଢେଙ୍କାନାଳ ଜିଲ୍ଲା ଭୁବନ ବ୍ଲକ ସୁରପ୍ରତାପପୁର ଫାଣ୍ଡି ପାଖରେ ଗ୍ୟାସ ପାଇପ ଲାଇନ କାଟୁଥିବା ସମୟ ରେ ପୋଲିସ ଚଢ଼ାଉ କରିଛି l ସୂଚନା ଅନୁସାରେ ପାରାଦ୍ୱୀପ ରୁ ଅନୁଗୁଳ ପର୍ଯ୍ୟନ୍ତ ଗ୍ୟାସ ପାଇପ ଲାଇନ ବିଛାଇବା ପାଇଁ ଟେଲ୍ ଇଣ୍ଡିଆ ପକ୍ଷରୁ କାମ ଚାଲିଅଛି l କିନ୍ତୁ କାଲି ରାତିରେ ଦୃବୃତ୍ତ ମାନେ ଚୋରି କରିବା ଉଦେଶ୍ୟ ରେ ଗ୍ୟାସ ପାଇପ ଲାଇନ ଗ୍ୟାସ କଟର ସାହାଯ୍ୟ ରେ କାଟୁଥିବାର ସୁରପ୍ରତାପ ପୁର ଫାଣ୍ଡି ଅଧିକାରୀ ସତ୍ୟବ୍ରତ ଭୁତିଆ ଙ୍କୁ ସୂଚନା ମିଳିଥିଲା l

ସଙ୍ଗେ ସଙ୍ଗେ ରାତିଅଧିଆ ଚଢ଼ାଉ କରି ଚୋରି କାର୍ଯ୍ୟ ରେ ନିୟୋଜିତ ଥିବା ଗୋଟିଏ ହାଇୱା ଓ ଗୋଟିଏ ଜେସିବି କୁ ଜବଦ କରିଛନ୍ତି ଫାଣ୍ଡି ଅଧିକାରୀ l ତା ସାଙ୍ଗରେ ଜଣେ ବ୍ୟକ୍ତି କୁ ଅଟକ ରଖିବା ସହିତ ଅଧିକ ତଦନ୍ତ ମଧ୍ୟ କରୁଥିବାର କହିଛନ୍ତି ଫାଣ୍ଡି ଅଧିକାରୀ l ତେବେ ଭୁବନ ଥାନା ଅନ୍ତର୍ଗତ ଅନେକ ସ୍ଥାନରେ ଗ୍ୟାସ ପାଇପ ଲାଇନ ପଡିଥିବାର ଦେଖାଯାଇଛି l ତେବେ କମ୍ପାନୀ ପକ୍ଷରୁ ସିକ୍ଯୁରିଟି ସଂସ୍ଥା କୁ ଦାୟିତ୍ୱ ଦିଆଯାଇଥିଲେ ମଧ୍ୟ ଦିନକୁ ଦିନ ଚୋରି ବୃଦ୍ଧି ପାଉଛି ।