ବିଜେପି ଦଳର ଅବସରପ୍ରାପ୍ତ ସୈନିକ ମାନଙ୍କ ବୈଠକ ଅନୁଷ୍ଠିତ

ଆଜି ନିମବାହାଳି ନିକଟସ୍ଥ ସାପ୍ତାହିକ ହାଟ ପଡ଼ିଆ ରେ ବିଜେପି ଦଳର ଅବସରପ୍ରାପ୍ତ ସୈନିକ ମାନଙ୍କ ଏକ ବୈଠକ ଅନୁଷ୍ଠିତ ହୋଇଯାଇଛି ।ଦଳର ବରିଷ୍ଠ ନେତା ରବିନାରାୟଣ ସାହୁ ଙ୍କ ଆହ୍ୱାନ କ୍ରମେ ଏହି ବୈଠକରେ ଅବସରପ୍ରାପ୍ତ ସୈନିକ ମାନଙ୍କ ସହିତ ଅନ୍ୟାନ୍ୟ କର୍ମୀମାନେ ଯୋଗ ଦେଇ ବର୍ତ୍ତମାନର ରାଜନୈତିକ ସ୍ଥିତି ର ଆଲୋଚନା କରିବା ସହିତ ଆଗାମୀ ଦିନରେ ଦଳକୁ କିପରି ମଜଭୁତ କରାଯିବ ସେ ସମ୍ପର୍କରେ ଆଲୋଚନା କରାଯାଇଥିଲା ।

ବୈଠକରେ ବିରଞ୍ଚି ନାରାୟଣ ରଥ ଆଗାମୀ ବିଧାନସଭା ନିର୍ବାଚନ ପାଇଁ ଅବସରପ୍ରାପ୍ତ ସୈନିକ ଅନନ୍ତ ଚରଣ ବେହେରା ଙ୍କ ନାମ ପ୍ରସ୍ତାବ ଆଗତ କରିଥିଲେ । ଏହାକୁ ଉପସ୍ଥିତ ସମସ୍ତ କର୍ମୀ ମାନେ କରତାଳି ଦେଇ ସ୍ବାଗତ ଜଣାଇଥିଲେ । ଏହି କାର୍ଯ୍ୟକ୍ରମ ରେ ଦଳର କର୍ମୀ , ପବିତ୍ର କୁମାର ବିଶ୍ଵାଳ,ବିଜୟ କୁମାର ପାଳ , ବିଷ୍ଣୁ ଚରଣ ସାହୁ, ସବିତା ନାଏକ ପ୍ରମୁଖ ଯୋଗ ଦେଇଥିଲେ ।