ଗାଧୋଇବା ହେଲା କାଳ ,ପୋଖରୀରେ ବୁଡି ବୃଦ୍ଧ ମୃତ

ଢେଙ୍କାନାଳ ଜିଲ୍ଲା ପରଜଙ୍ଗ ଥାନା କଙ୍କଡାସୋଡା ଗାଁରେ ପୋଖରୀରେ ବୁଡି ଜଣେ ବୃଦ୍ଧଙ୍କର ମୃତ୍ୟୁ ହୋଇଛି । ମୃତକ ଜଣଙ୍କ କଙ୍କଡାସୋଡା ଗାଁର ଏକାଦଶୀ ନାୟକ । ଏକାଦଶୀ ଗାଧୋଇବା ପାଇଁ ଗାଁ ଖଣ୍ଡିଆବନ୍ଧ ପୋଖରୀକୁ ଯାଇଥିଲେ ।

ଅସାବଧାନତା କାରଣ ହେତୁ ପୋଖରୀରେ ବୁଡି ଯାଇଥିଲେ । ତାଙ୍କ ମୃତ ଦେହ ପୋଖରୀରେ ଭାସୁଥିବାର ଦେଖି ସ୍ଥାନୀୟ ଲୋକମାନେ ପୋଲିସକୁ ଖବର ଦେଇଥିଲେ । ଘଟଣା ସ୍ଥଳରେ ପୋଲିସ ଓ ଅଗ୍ନିଶମ ବାହିନୀ ପହଞ୍ଚି ମୃତ ଦେହ ଉଦ୍ଧାର କରିଥିଲେ । ଯାହାକୁ ନେଇ ଗାଁରେ ଶୋକାକୁଳ ପରିସ୍ଥିତି ସୃଷ୍ଟି ହୋଇଛି ।