ବରଷକେ ଥରେ ଆସିଛି ରଜ
ସାଥିରେ ଧରିଣ ନୂଆ ମଉଜ
ସଭିଙ୍କର ଆଜି ବଡ଼ ପରବ
ଧରଣୀରାଣୀର ରଜ ଉତ୍ସବ।୦।
ରଜ ପାଳିବାକୁ ଏ ତିନି ଦିନ
କୁଆଁରୀ ଝିଅଙ୍କ ଆନନ୍ଦ ମନ
ପାଦରେ ଅଳତା ରଙ୍ଗ ରଂଜାଇ
ନୂଆ ପୋଷାକରେ ଦେହ ସଜାଇ।୧।
ଆନନ୍ଦରେ ଦୋଳିଗୀତକୁ ଗାଇ
ଦୋଳିଗୀତେ ଚତୁର୍ଦ୍ଦିଗ କମ୍ପାଇ
ଘରେ ଘରେ ହୁଏ କଉଡ଼ି ଖେଳ
ବନ୍ଧୁ ବାନ୍ଧବଙ୍କ ହୁଅଇ ମେଳ।୨।
ରଜ ପୋଡ଼ପିଠା ଭାରି ସୁଆଦ
ରଜ ପାନ ସାଥେ ମାରି ଲବଙ୍ଗ
ଆମରି ସଂସ୍କୃତି ଆମ ଗୌରବ
ପରମ୍ପରା ମାନି ପାଳିବା ପର୍ବ।୩।
ପହିଲି ରଜରେ ହେବା ସଜ ବାଜ
ରଜ ସଂକ୍ରାନ୍ତିରେ ଯେ ଦ୍ୱିତୀୟ ରଜ
ତିନି ରଜ ଦିନରେ ଭୂମି ଦହନ
ପାଳିବା ସଭିଏଁ କରି ଯତନ।୪।
ତାହା ପର ଦିନ ବସୁମତୀ ସ୍ନାନ
ଚାଷୀ ଭାଇଙ୍କର ମନ ଉଚ୍ଛନ୍ନ
ଜମିରେ ତାହାର କରିବ ଚାଷ
ସଭିଙ୍କ ମୁଖରେ ଫୁଟିବ ହସ।୫।
✍️ ଡ଼ା. ଦେବୀ ପ୍ରସାଦ ମିଶ୍ର