ବର୍ଷା ଜଳ ନିଷ୍କାସନ ନହେବାରୁ ଘରେ ପଶିଲା ବର୍ଷା ପାଣି ;ଗ୍ରାମବାସୀ କଲେ ରାଜପଥ ଅବରୋଧ

ଢେ଼ଙ୍କାନାଳ ଜିଲ୍ଲା ପରଜଙ୍ଗ ପିତିରି ଗ୍ରାମବାସୀଙ୍କ ଜାତୀୟ ରାଜପଥ ୫୩ ଅବରୋଧ , ବର୍ଷା ଜଳ ନିଷ୍କାସନ ହୋଇନପାରି ଘରେ ପାଣି ପଶିବାରୁ ରାସ୍ତାରୋକ କଲେ ଗ୍ରାମବାସୀ ।ଜାତୀୟ ରାଜପଥ ସମ୍ପ୍ରସାରଣ ପାଇଁ ଗାଁ ପାଖରେ ପୂର୍ବରୁ ଥିବା ଡ୍ରେନ ପୋତି ହୋଇ ଯାଇଛି ଯାହାଫଳରେ ବର୍ଷା ପାଣି ନିଷ୍କାସନ ହୋଇ ପାରୁନାହିଁ ।

ଯାହା ଫଳରେ ଲୋକଙ୍କ ଘରେ ପାଣିପଶି ଥିବାର ସୂଚନା ମିଳିଛି । ଯାହାକୁ ନେଇ ଗ୍ରାମବାସୀ ରାସ୍ତାରୋକ କରିଥିଲେ । ଯାଜପୁର -କାମାକ୍ଷାନଗର-ତାଳଚେର-ଅନୁଗୁଳ ରାସ୍ତା ସମ୍ପୂର୍ଣ୍ଣ ଭାବରେ କିଛି ସମୟ ଅବରୋଧ ହୋଇ ରହିଥିଲା ।ତେବେ ଥାନା ଅଧିକାରୀ ଓ ରାସ୍ତା ସମ୍ପ୍ରସାରଣ କରୁଥିବା ଠିକା ସଂସ୍ଥା ର କର୍ମଚାରୀ ପହଂଚି ବୁଝାସୁଝା କରିବାରୁ ରାସ୍ତାରୋକ ହଟିଥିଲା ।