ଯୋରନ୍ଦା ଶିଶୁବିଦ୍ୟା ମନ୍ଦିରରେ ବିଶ୍ୱ ଯୋଗ ଦିବସ ପାଳିତ

ଢେଙ୍କାନାଳ ଜିଲ୍ଲା ଗଁଦିଆ ବ୍ଲକ ମହିମାଗାଦି ସ୍ଥିତ ଯୋରନ୍ଦା ଶିଶୁବିଦ୍ୟା ମନ୍ଦିର ପରିସରରେ ବିଶ୍ୱ ଯୋଗ ଦିବସ ପାଳିତ ହୋଇଯାଇଛି l ମୁଖ୍ୟ ଅତିଥି ଭାବେ ଯୋରନ୍ଦା ଶିଶୁ ଵିଦ୍ୟାମନ୍ଦିର ସଭାପତି ଶ୍ରୀଯୁକ୍ତ ପ୍ରସନ୍ନ କୁମାର ରାଉତ ଯୋଗଦେଇ ବିଦ୍ୟା ଦାୟିନୀ ମା ସାରଦା ଙ୍କ ନିକଟରେ ଦ୍ୱିପ ପ୍ରଜ୍ବଳନ କରି ଯୋଗ ପ୍ରାଣାୟାମ ବିଶେଷତ୍ୱ ଉପରେ ଦିଶାନ୍ତ ଅଭିଭାଷଣ ପ୍ରଦାନ କରିଥିଲେ l ଅତିଥି ଭାବେ ଶିଶୁବିଦ୍ୟା ମନ୍ଦିର ସମ୍ପାଦକ ଉପେନ୍ଦ୍ର ଚନ୍ଦ୍ର ସାହୁ, କୋଷାଧ୍ୟକ୍ଷ ଯଦୁନନ୍ଦନ ଦାସ ଯୋଗ ଦେଇଥିଲେ l

ବିଦ୍ୟାଳୟର ପ୍ରଧାନ ଆଚାର୍ଯ୍ୟ ଶ୍ରୀଯୁକ୍ତ ସନ୍ତୋଷ କୁମାର ସାହୁ ଙ୍କ ତତ୍ୱାବଧାନ ତଥା ଯୋଗ ପ୍ରଶିକ୍ଷକ ପ୍ରଶାନ୍ତ କୁମାର ଦାସ ଓ ପ୍ରଶିକ୍ଷିତା ସୁଶ୍ରୀ ସନ୍ଧ୍ୟାରାଣୀ ପଣ୍ଡା ଙ୍କ ମାର୍ଗଦର୍ଶନରେ ଶିଶୁମନ୍ଦିରର ସମସ୍ତ ଆଚାର୍ଯ୍ୟ ଓ ଗୁରୁମା ଏବଂ ୨୦୦ ରୁ ଉର୍ଦ୍ଧ୍ବ ଶିଶୁ ଯୋଗ ପ୍ରଦର୍ଶନ କରିଥିଲେ l ଶେଷରେ ମନ ଓ ଶରୀର ନିରୋଗ ଓ ନିରାମୟ ପାଇଁ ଯୋଗ ପ୍ରାଣାୟାମ କୁ ମୂଳ ଆଧାର ରୂପେ ଗ୍ରହଣ କରିବା ପାଇଁ ସମସ୍ତଙ୍କ ହୃଦୟରେ ସ୍ଥାନିତ କରାଗଲା ।