ମହିମା ମହାବିଦ୍ୟାଳୟ ର ଅର୍ଥନୀତି ବିଭାଗରେ ବିଦାୟକାଳୀନ ସମ୍ବର୍ଦ୍ଧନା

ଯୋରନ୍ଦା ମହିମା ମହାବିଦ୍ୟାଳୟ ର ଅର୍ଥନୀତି ବିଭାଗର ଶେଷ ବର୍ଷର ଛାତ୍ରଛାତ୍ରୀ ମାନନଙ୍କର ବିଦାୟ କାଳୀନ ସମ୍ବର୍ଦ୍ଧନା ଉତ୍ସବ ଶୁକ୍ରବାର ଦିନ ଅନୁଷ୍ଠିତ ହୋଇଯାଇଛି ।

ମହାବିଦ୍ୟାଳୟ ର ରସାୟନ ବିଭାଗର ମୁଖ୍ୟ ଡ଼ଃ ରତ୍ନ।କର ଦାସଙ୍କ ସଭାପତିତ୍ତ୍ୱରେ ଏହି ଉତ୍ସବ ଅନୁଷ୍ଠିତ ହୋଇଥିଲା । ପ୍ରାରମ୍ଭରେ ଦ୍ଵିତୀୟ ବର୍ଷର ଛାତ୍ରୀ ଶୁଭଶ୍ରୀ ଖୁଣ୍ଟିଆ ସ୍ୱାଗତ ଭାଷଣ ଦେଇଥିଲେ ।ପ୍ରଥମ ବର୍ଷ ଏବଂ ଦ୍ଵିତୀୟ ବର୍ଷ ଛାତ୍ରଛାତ୍ରୀ ମାନେ ତୃତୀୟ ବର୍ଷର ଛାତ୍ରଛାତ୍ରୀ ମାନଙ୍କର ଗୁଣଗାନ କରିବା ସହିତ ଛାତ୍ର ଜୀଵନର ସ୍ମୃତି ଚାରଣ କରିଥିଲେ । ଵିଦାୟୀ ଛାତ୍ରଛାତ୍ରୀ ମାନେ କଲେଜ ତଥା ନିଜର ପ୍ରିୟ ବିଭାଗ ଓ ଅଧ୍ୟାପକ ଅଧ୍ୟାପିକାଙ୍କୁ ଛାଡି ଯାଉଥିବାରୁ ଦୁଃଖ ପ୍ରକାଶ କରିଥିଲେ ।

ବିଭାଗୀୟ ମୁଖ୍ୟ ସଂଯୁକ୍ତା ଜେନା ,ଅଧ୍ୟାପକ ରଂଜନ କୁମାର ମହାପାତ୍ର ,ସିମନ୍ତ କୁମାର ବେହେରା ,ଅଧ୍ୟାପିକା ସସ୍ମିତା ଶତପଥି ପ୍ରମୁଖ ଛାତ୍ରଛାତ୍ରୀ ଙ୍କ ଉଜ୍ଜ୍ୱଳ ଭବିଷ୍ୟତ କାମନା କରିବା ସହ ଅନେକ ମୂଲ୍ୟବାନ ଉପଦେଶ ଦେଇଥିଲେ ।