ହାତୀ ଆକ୍ରମଣରେ ଦିନ ମଜୁରିଆ ଙ୍କ ଗଲା ଜୀଵନ !

ହିନ୍ଦୋଳ ଉପଖଣ୍ଡ କନ୍ତିମିଲି ଗ୍ରା.ପ ଅନ୍ତର୍ଗତ କୁମୁରିସିଂହା ଗ୍ରାମର ଜୈନିକ ବ୍ୟକ୍ତି ଏକ ହାତୀ ଆକ୍ରମଣରେ ମୃତ୍ୟ ବରଣ କରିଥିବା ସମୟରେ ଆଜି ସକାଳ ସମୟରେ ଯୁବକଙ୍କ ମୃତଦେହ ଦୁଦୁରୁକୋଟ କୁମୁରିସିଂହା ବାଟରେ ପଡିଥିବା ଦେଖିବାକୁ ମିଳିଛି ।

ସୂଚନା ଅନୁଯାୟୀ ,ଗ୍ରାମର ବୈଷ୍ଣବ ନାଏକ( ୫୦ )ଜଣେ ଦିନ ମଜୁରିଆ ଭାବେ ପ୍ରତିଦିନ କାମକରି ଘରକୁ ଫେରୁଥିବା ସମୟରେ ହାତୀ ଆକ୍ରମଣରେ ମୃତ୍ୟୁବରଣ କରିଥିବା ଜଣାପଡିଛି । ବନ ବିଭାଗ ପକ୍ଷରୁ ଘଟଣା ସ୍ଥଳରେ ପହଞ୍ଚିବା ସହ ମୃତକଙ୍କ ପରିବାରକୁ ତୁରନ୍ତ ଆର୍ଥିକ ସହଯୋଗ ଯୋଗାଇ ଦିଆଯିବା ପ୍ରତିଶୃତି ପରେ ଶବ ବ୍ୟବଚ୍ଛେଦ ନିମନ୍ତେ ହିନ୍ଦୋଳ ଡାକ୍ତରଖାନା ପଠାଯାଇଛି ।

ବର୍ତ୍ତମାନ ହିନ୍ଦୋଳ ବନାଂଚଳରେ ଜନସାଧାରଣ ନିଜକୁ ସୁରକ୍ଷିତ ମଣୁ ନାହାନ୍ତି । ଏ ଦିଗରେ ସରକାର ଦୃଷ୍ଟି ଦେବା ସହ ବିଭାଗ ତରଫରୁ ଉଚିତ୍ ପଦକ୍ଷେପ ଗ୍ରହଣ କରା ନଗଲେ ଏକ ବିରାଟ ଜନ ଆନ୍ଦୋଳନ କୁ ଏଡାଇ ଦିଆ ଯାଇନପାରେ ।