ସାନଭାଇ ପନିକି ଚୋଟରେ ଭିନ୍ନକ୍ଷମ ବଡ ଭାଇ ଆହାତ

ଢେଙ୍କାନାଳ ଜିଲ୍ଲା ପରଜଙ୍ଗ ଥାନା ମାଣକିମରା ପଞ୍ଚାୟତର କାଦୁପଡା ଗ୍ରାମରେ ଦେଖିବାକୁ ମିଳିଛି ଏକ ଅଭାବନୀୟ ଘଟଣା । ସାନଭାଇ ପନିକି ଚୋଟରେ ଭିନ୍ନକ୍ଷମ ବଡ ଭାଇ ଗୁରୁତର ଆହତ ହୋଇଥିବା ଜଣାପଡିଛି ।

ସୂଚନା ମୁତାବକ କାଦୁପଡା ଗ୍ରାମର ବାବୁ ସାହୁ ଜଣେ ଭିନ୍ନକ୍ଷମ ବ୍ୟକ୍ତି ଅଟନ୍ତି ,ସେ ଅସ୍ଥାୟୀ କର୍ମଚାରୀ ଭାବରେ ହାତୀ ସ୍କ୍ବାର୍ଡ ନିମନ୍ତେ କାର୍ଯ୍ୟରତ ଥିଲେ । କୈଣସି କାରଣରୁ ବାବୁଙ୍କୁ ଜଙ୍ଗଲ ବିଭାଗର ଉଚ୍ଚ ଅଧିକାରୀ କାର୍ଯ୍ୟରୁ ନିଲମ୍ବିତ କରିଥିଲେ ଓ ଛଅ ମାସ ର ପାରିଶ୍ରମିକ ମିଳିନଥିବାରୁ ଗତ ୧୮/୦୭/୨୦୨୨ ରିଖ ସୋମବାର ଦିନ ପରଜଙ୍ଗ ସମତି କାର୍ଯ୍ୟାଳୟର ସଭାଗୃହ ପ୍ରକୋଷ୍ଠରେ ଜିଲ୍ଲାପାଳଙ୍କ ମିଳିତ ଜନ ଶୁଣାଣି ବେଳେ ବାବୁ ସାହୁ ଦେହରେ କିରୋସିନ ଢାଳିହୋଇ ଆତ୍ମହୁତି ଉଦ୍ୟମ କରିଥିଲେ । ମାନସିକ ଭାରସାମ୍ୟ ଅବସ୍ଥାରେ ଥିବା ବେଳେ ରବିବାର ମଧ୍ୟାହ୍ନ ସମୟରେ ସେ ଓ ତାଙ୍କ ସ୍ତ୍ରୀ ନିଜ ବାସଗୃହରେ ଥିବା ସମୟରେ ତାଙ୍କ ସାନଭାଇ ରାଜନ ସାହୁ ମନ୍ଦ ଉଦ୍ଦେଶ୍ୟରେ ଆସି ଭାଉଜଙ୍କୁ ଖରାପ ଭାଷାରେ ଗାଳିଗୁଲଜ କରିଥିବା ଓ ଟଣାଓଟରା କରିଥିଲେ ।

ଏହାକୁ ବାବୁ ବିରୋଧ କରିଥିଲେ ଏଥିରେ ଉତକ୍ଷିପ୍ତି ହୋଇ ରାଜନ ଏକ ପନିକିରେ ନିଜ ବଡ଼ ଭାଇକୁ ଆକ୍ରମଣ କରିଥିଲେ ଯାହା ଫଳରେ ଭିନ୍ନକ୍ଷମ ଭାଇର ମୁଣ୍ଡରେ ଗଭୀର ଆଘାତ ହୋଇଥିଲା , ତାଙ୍କୁ ସଙ୍ଗେସଙ୍ଗେ ପଡୋଶୀ ଲୋକଙ୍କ ସହଯୋଗରେ ପରଜଙ୍ଗ ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରକୁ ନେଇଥିଲେ ସେଠାରେ ତାଙ୍କର ଚିକିତ୍ସା କରି ବାବୁ ସାହୁ ଙ୍କ ସ୍ତ୍ରୀ ଜ୍ୟୋତ୍ସ୍ନା ସାହୁ(୩୨) ପରଜଙ୍ଗ ଥାନା ରେ ଏକ ଲିଖିତ ଅଭିଯୋଗ କରିଛନ୍ତି । ଏନେଇ ପରଜଙ୍ଗ ଥାନା ଅଧିକାରୀ ପ୍ରଶାନ୍ତ କୁମାର ପାତ୍ର କହିଛନ୍ତି କି ଅଭିଯୋଗ ଆସିଛି , ମାମଲା ରୁଜୁ କରାଯାଇଛି ଏବଂ ତଦନ୍ତ ଚାଲିଥିବା ନେଇ ସୂଚନା ଦେଇଛନ୍ତି ।