ଅଜଣା ଗାଡି ଧକ୍କାରେ ଯୁବକ ମୃତ

ମୃତ୍ୟୁ ଏମିତି ବି ଆସେ , କେଇ ପାଦ ଦୂରରେ ଘର । ପରିବାର ଲୋକେ ଚାହିଁ ବସିଥିଲେ ଆତ୍ମୀୟଙ୍କ ଆସିବା ବାଟକୁ । କିନ୍ତୁ ବାଟରେ ଜଗି ବସିଥିଲା ମୃତ୍ୟୁ । ଅଜଣା ଗାଡି ଧକ୍କାରେ ଚାଲିଗଲା ୩୨ ବର୍ଷୀୟ ଯୁବକଙ୍କ ଜୀବନ । ଏଭଳି ଘଟଣା ଦେଖିବାକୁ ମିଳିଛି ଢେଙ୍କାନାଳ ଜିଲ୍ଲା କାମାକ୍ଷାନଗର ଥାନା ଜିରିଡାମାଳି ଗାଁ ବାଇପାସ ନିକଟରେ ।

ମୃତ ଯୁବକ ଜଣକ ଜିରିଡାମାଳି ଗାଁର ବ୍ରହ୍ମାନନ୍ଦ ବେହେରା । ବ୍ରହ୍ମାନନ୍ଦ ଚାଲି ଚାଲି ଘରକୁ ଯାଉଥିବା ବେଳେ ଅଜଣା ଗାଡି ଧକ୍କା ଦେଇ ପଳେଇ ଯାଇଥିଲା । ଗୁରୁତର ଅବସ୍ଥାରେ ତାଙ୍କୁ ସ୍ଥାନୀୟ ଲୋକମାନେ କାମାକ୍ଷାନଗର ମେଡ଼ିକାଲରେ ଭର୍ତ୍ତି କରିଥିଲେ । ମାତ୍ର ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଛନ୍ତି । ଏ ନେଇ ମେଡ଼ିକାଲ ପରିସରରେ କିଛି ସମୟ ଧରି ଶୋକାକୁଳ ପରିସ୍ଥିତି ସୃଷ୍ଟି ହୋଇଛି ।କାମାକ୍ଷାନଗର ପୋଲିସ କରୁଛି ତଦନ୍ତ ।